ASF vangin Vawk 16 thi leh

African Swine Fever (ASF) vangin nimin khan Serchhip District-ah Vawk 16 lai thi lehin Vawk 7 suat a ni.

Nimin-a ASF vanga Vawk thi te hi khaw 5 ami niin Baktawng-ah Vawk 9 a thi leh a, Chhuanthar Tlangnuam-ah Vawk 3 thiin Zote South-ah Vawk 2 a thih bakah Ser-chhip Field Veng leh Serchhip Kawnpui North ah Vawk pakhat ve ve a thi bawk. Heti hian ASF vanga Serchhip District-a Vawk thi chu 3543 a tling tawh a ni. Nimin khan ASF lenna hmunah Vawk 7 suat leh niin a vai hian Chhuan-thar Tlangnuam ami a ni a, ASF hri lenna hmuna Vawk suat hi 2908 a tling tawh a ni. ASF hri lenna hmuna puan ni lo ah nimin khan Vawk thi awm belh lo mah se khaw 3-ah Vawk 35 suat a ni a, heng zinga 27 te chu Hmuntha khua ami te an ni.