Latest News

Hri kai hmuh 1033 tling tawh

Nimin thleng khan Serchhip District-a COVID-19 hri kai hmuhchhuah chu 1033 an tling tawh.

Niminpiah khan Serchhip District-ah Rapid Antigen Test hmangin Sample 157 enfiah niin heng atang hian hri kai mi 12 zet hmuh an ni a, heng zinga mi 7 te hi Chhingchhip khua niin hri kai te nen inkawmhnaihna nei an ni a, PTS Thenzawl ah hri kai mi 4 hmuh ni bawkin hri kaina hriatloh pakhat a tel a, Serchhip AOC Veng-ah hri kaina hriatloh mi pakhat hmuhchhuah a ni bawk.

Nimin khan hriat theih chinah hri kai mi 15 hmuhchhuah belh leh an awm a, an zinga mi 11 te chu Thenzawl khua niin PTS bakah Then-zawl Vengthlang-ah hri kai hmuhchhuah an ni a, Serchhip-ah pawh hri kai mi 4 hmuhchhuah an ni bawk a, an zinga 3 te hi Tuikhuah Veng niin Vengchung-ah hri kai mi pakhat hmuh a ni bawk.

Nimin khan Serchhip District-a hri kai te zingah enkawl dam an awm belh lova, heti hian nimin tlai thlenga Serchhip District-a hri kai hmuh tawh chu 1033 niin an zinga 943 te chu enkawl dam an ni tawh a, tunah hian hri kai enkawllai 87 la awmin hri kai zingah mi 3 an boral tawh a ni.

Comments

Chhiar Hlawhte