Ram hrang hrang a\anga lo kal ten Larsap an kawm

Khawvel ram hrang 10 a\anga lokal, India chhulchhuak ramdang mi nihna nei tawh \halai 39 te chuan niminpiah tlai khan Aizawl-a Raj Bhavan-ah Mizoram Larsap, Kummanam Raja-sekharan chu an kawm.

Ministry of External Affairs hmalakna pakhat, Know India Programme (KIP) hnuaiah India ram hmun hrang hrang tlawh rawn kal heng \halai rual te hi Larsap chuan Mizoram aiawhin a lo lawm a. India ram chu ram ropui bik, Unity in Diversity a taka kalpuitu, \awng hrang hrang hmangtute leh hnam hrang hrangte inlungrual taka an awm tlanna a ni, a ti a. Youth of India Origin te pawh ramdang mi ni tawh hlawm mahse Hnam-ah chuan Indian an nih reng tur thu te, India ram pawh rawn tlawh \hin turte leh an awmna ram tana mi t\ngkai ni \heuh turin a chah a ni.

Ramdang a\anga lokal, Youth of Indian Origin te chuan Governor an kawmnaah hian India ram chu an hmuh tum aia ropui leh zau, a chhunga mi chengte pawh mizia leh khawsak phung in anglo tak tak a nih thu sawiin, an thlahtute Indian an ni tak nain an hriatphak chin an pi leh pu te a\anga India ram la hmu ngailo te an nih thu an sawi a. India ram hmun \henkhat an tlawh tawh tih sawiin, Mizorama mi chengte chu an nelawm an tih thu leh Nghahloh Dawr, Hmuifang an panna kawnga mi an hmu chu rinawmna kawngah thil entawn tlak tak a nih thu an sawi bawk.

Indian Origin \halaite hi Guyana, Suriname, Israel, Fiji, Mauritius, South Africa, Trinidad & Tobago, Myanmar, Sri Lanka leh South Africa a\anga lo kal an ni a. Aizawl chhevel hmun hrang hrangte fankual pui an ni tawh a, Zirlai leh zirtirtute nen inkawmna te pawh an nei bawk a. Vawiin ah Mizoram an chhuahsan ang.