Chainsaw khuahkhirh ta

Mizoram Chainsaw (Regulation and Control) Rules, 2018 chu tihchhuah a nih tak avangin Chainsaw lei, hralh, zawrh, neih, kawl leh hmang turte chuan Forest Department a\angin phalna lak a ngai tawh.
Hemi chungchanga Serchhip Forest Range-a Range Officer in tunhnaia hriat-tirna a tichhuah ah Mizoram Chainsaw (Regu-lation and Control) Rules, 2018 chu August 27, 2018 khan Mizoram Gazette-ah tihchhuah niin hei vang hian Chainsaw lei, hralh, zawrh, neih, kawl leh hmang turte chuan Forest Depart-ment a\angin phalna (License/Registration) neih a ngai a. Phalna nei lova Chainsaw lei, hralh, zawrh, neih, kawl leh hmang te chu Dan anga man (Seize) theih a nih thu a tarlang bawk.
Chainsaw License/Registration dil duhte leh hrechiang duh chuan mahni bialtu DFO Office-ah zawhfiah theih a ni a, he Dan awm hmaa lo nei tawh te chuan license dil ngai lovin DFO a\anga NOC lain bialtu DFO hnenah Oct. 27, 2018 ralhmain Chainsaw hi register theih a ni a, Chainsaw register tur hian Chainsaw leina Receipt emaw, Cash Memo emaw leh EPIC/Aadhaar ken tur a ni ang.
Chainsaw Register turte hian Chainsaw Rules, 2018 (Rules-6) in a phut thildang hi an neilo a nih chuan an Chainsaw te hi Dan in a phal chin atan chiah an hmang ang tih affidavit siamin application-ah thiltel tur a ni bawk a. Chainsaw te hi a Brand, Model, Hosepower leh thildang te enfiah nghal a \ul avangin register tur hian ken tel ngei tur a ni bawk ang.

Popular posts from this blog

PAN CARD an tih teh fo hi - Laldinpuia