MCMC in Serchhip District chhunga Media kaltlanga inthlan campaign uluk takin an vil mek

Mizoram Assembly inthlanpui lo awm tur atan Serchhip District chhunga Media hrang hrang hmanga campaign-na te chu Media Certification & Monitoring Committee (MCMC) chuan uluk takin an enfiah mek.
Mizoram Assembly inthlanpui lo awm tur atan hian Serchhip District Election Officer  (DEO) kaihhruaina hnuaiah Media Certification & Monitoring Committee (MCMC) hi din niin District Information & Public Relation Officer chu Member Secretary a ni a. He Committee hian Media hrang hrang, Print & Electronic Media hmanga Candidate leh Party ten inthlanna atana campaign an neih dan uluk taka enfiahin Cable TV (Electronic Media) hmanga campaign tur leh thuziak (Pamphlet) sem tur reng reng chuan MCMC-ah hian phalna an lak hmasak zel a ngai a ni.
Tunah hian Congress Party leh Zoram Peoples Movement (ZPM) te chuan Video tihchhuah dilna thehlut tawhin Congress Party in Booklet sem dilna an thehlut tawh a, heng dilna an thehluh tawh zawng zawng, a vaiin 5 te chu phalna pek a ni tawh a, Candidate leh Party dang te erawh chuan he thu buatsaih lai thleng hian dilna thehluh an la neilo a. Heng Video tihchhuah dilna te hi sawrkar rate siam angin an sum hman zat chhinchhiah zel niin phalna la hmasa lo chuan campaign-a rawngkai reng reng tihchhuah phal a ni lo.
Hei bakah hian MCMC hian Serchhip District chhunga Newspaper hrang hranga thuchhuah te pawh uluk takin an vil mek a, Political Party leh Candidate ten Newspaper kaltlanga thu an chhuah duh te chu MCMC-ah hian phalna lak hmasak a ngailo thung a, amaherawh chu sawrkar rate siam angin heng thuchhuah man te hi Candidate te senso-ah chhut sak zel a ni dawn thung a. Mimal tu ten emaw mahni \hahnem ngaihna hmanga tu Candidate emaw fakna an lo tichhuak a nih chuan hlawkna teltute senso-ah chhut theih a ni dawn a. Hei hi Candidate in a senso-a hman a remti lo a nih chuan a chhuahtu chu Dan hmanga hrem theih a ni dawn thung a ni. Tarlan tawh \hin angin Assembly inthlanpui ah hian Candidate pakhat in campaign nan cheng nuai 20 thleng a hmang thei a, hei hi a hmang pel tih finfiah a nih chuan MLA nihna hlih sak theih a ni dawn a ni.;

Popular posts from this blog

PAN CARD an tih teh fo hi - Laldinpuia