YMA leh Politics chawhpawlh a remloh thu Central YMA President in a sawi
Central YMA President, Vanlalruata chuan YMA chu Politics nen chawhpawlh a rem lo nia sawiin, tuna YMA hruaitu ni mek zingah Mizoram in inthlanpui a hmachhawn tura tel duhte chu hruaitu a nihna chawlhsan ngam turin a ngen.
Zirtawpni kaltaa YMA Rorel Inkhawm vawi 2-na Aizawl Vanapa Hall-a neih zan lam inkhawm ah he thu hi sawiin Central YMA President, Vanlalruata chuan khawvel ram dangah YMA anga ram leh hnam tana hmala \hin an awm lo chu YMA hlutna tizualtu pakhat a ni tih a sawi a. Tunah hian Mizoram chu ruihhlo leh ramdang mi hual vel kara awm a nih avangin a humhim turin “Ram leh hnam humhalh” tih chu YMA kumpuan atan thlan nawn a ni tih sawiin, hemi atana an hmalaknaa sawiseltu an awm a nih pawhin, an hmalakna ti\huanawptu ni lova, ram leh hnam tana theihtawp chhuah chhunzawm zel turin YMA hruaitute chu a ngen a ni.
He hunah hian Thupui, ‘Ram leh Hnam humhalh’ sawitu Central YMA Asst. Secretary, Peter Chhakchhuak chuan, chhak lam a\anga Mizorama ruihhlo lo tawlh lut \hinte chu sim turin a ngen a, an thil tih mek hian \halai nunna a suat mek a, nu leh pa tam tak a \ah tir mek a ni tih hre tura ngenin, hei hi sum leh pai it-na vanga ti an nih chuan Central YMA-in an tan vehbur a khawn sak thei tih hre turin a chah a ni. Peter Chhakchhuak chuan, Tripura-a awm mek Tuikuk-te chu an awmna Vote thlak tir Central YMA chuan a phal dawn lo tih sawiin, Tuikuk-te hian vote an thlak duh a nih chuan an vote neihna Mizoram chhungah an thlak tur a ni tih chu YMA ngaihdan a nih thu leh hetiang hi a nih theih nan YMA chuan theihtawp a chhuah tur thu a sawi a. ILP chu Mizoram leh hnam tan a \hat tehluh nen, a pechhuaktute fimkhur tawk loh vanga harsatna a thleng \hin chu pawi a tih thu sawiin, Central YMA Asst. Secretary chuan ILP khawihtute chu tun aia fimkhur lehzuala thil ti tura an duh thu a sawi bawk.
He inkhawm Central YMA Vice President, R. Lalngheta kaihhruaia neih ah hian Android Application hmanga Central YMA chanchin ziahna chu Central YMA President, Vanlalruata’n a tlangzarh bawk.
Comments
Post a Comment