District Level Awareness Campaign on Climate Change Adaptation & Mitigation neih a ni

Nimin khan Serchhip-ah ‘District Level Awareness Campaign on Climate Change Adaptation & Mitigation’ neih a ni a, he hun hi Serchhip District Addl. DC, Chuauhnuna chuan khuallian niin a hmanpui a ni.

Serchhip P&E Veng YMA Hall-a Serchhip District huap‘District Level Awareness Campaign on Climate Change Adaptation & Mitigation’ hi Thenzawl Forest Division-a DFO, Lalduhthlana chuan kaihruaiin he hun hmanpuitu Serchhip Addl. DC, Chuauhnuna chuan hetiang hun Serchhip-a buatsaih a ni chu lawmawm tih thu sawiin, mihring ten kan khawsakna kawngah lo te vata ram kan tih kan \hin avangin tuihna a tlem tial tial tih a sawi a, hmun \henkhat ah erawh chuan tuihna tlem si in ruahsur avanga tuilian thut thut te erawh kan tuar thung \hin tih a sawi a. Serchhip khua ah ngei pawh tunhnaiah tuilian nasa tak tak tuarin, Zawlpui phai-a leilet leh thlai hmun te pawh nasa taka a chhiat \hin thu a sawi a. Heng te hi kan sik leh sa lo danglam tak zel vang a nih thu sawiin, hei vang hian ngaihtuahna fim tak hmangin kan hmalam hun tur kan ngaihtuaha kan khawsak dan pawh kan enchian fo a \ul thu a sawi bawk.

Hei bakah hian Serchhip Addl. DC chuan Assembly inthlanpui tluang taka neih zawh a ni ta chu lawmawm a tih thu pawh he hunah hian sawiin, Serchhip District chu District hrang hrang zingah a felfai leh inbuatsaih \ha ber pawl kan ni nia a hriat thu a sawi a. Hemi atana thawktu te zawng zawng chungah lawmthu sawiin, kan \anrual tlan chuan thil ropui tak kan ti thei a ni tih hre reng turin he huna tel te chu a chah bawk.

Environment Forest & Climate Change Department bultuma Mizoram University (MZU), Mizoram Pollution Control Board (MPCB) leh Serchhip Sub-Hqrs. YMA te buatsaih he Awareness Campaign-ah hian Prof. Lalnuntluanga, Controller of Examination MZU, Dr. Alfred Malsawmsanga, Scientific Assistant, Mizoram Pollution Control Board, Dr. Lalrokima Chenkual, Assistant Director, Disaster Management & Rehabilitation Department leh Laltlanhlua Zathang, DFO North Vanlaiphai ten thupui thlanbik hrang hrang hmangin kalkhawmte zirtirna an pe a. Heng mithiam te hian khawvel lo insiam dan leh sik leh sa lo danglam chhoh dan te, Mizoram-ah pawh sik leh sa danglam dan leh mihring khawsak phung hrang hrang in khawvel a tih bawlhhlawh chhoh dan te, hemi siam\hatna tura hmalak dan tur leh sik leh sa danglamna avanga chhiatna thleng thei pumpelh dan tur hrang hrangte an zirtir a ni. Nimin a he hun hmanna ah hian Serchhip khawpui chhunga YMA Branch hrang hrang leh zirlate bakah khaw pawn a\angin sawmbik te tan tel a ni.