North Zone M/S Sports \an

/
Serchhip North Zone Middle School Sports chu nimin khan DC’s Playground, Khawtetlang-ah neih \an a ni a, Serchhip SDEO, Vanlalchhana chuan khuallian niin a hawng a ni.
Serchhip North Zone Middle School Sports hawnna hunah hian SDEO, Vanlalchhana chuan zirna (Education) chuan lehkha zir chauh huam lovin engkim a mihring tih hmasawn chu a tum a nih thu a sawi a. Lehkha thiam ni tura Thluak sawi-zawi nan infiamna a pawimawh thu sawiin, Thluak sawizawi ngailo tan lehkha zirna ah pawh hma sawn a harsat thu sawiin, Middle School Sports-a infiammi te chu tih tak takna nen beia hma an la zui a nih chuan India ramchhunga Football Club lian zawka eizawnna nei thei leh India ram tan pawha Olympic Games thlenga medal la thei an la nih dawn thu a sawi bawk.
Nimin a he Sports hawnna hun hi Organising Committee Chairman, Zoliana chuan kaihruaiin a hawnna atana March past neih ah Little Flower Convent School chu pakhatna an ni a, a hawnna hunah hian Little Flower Convent School leh Presbyterian English School zirlai naupang ten an thiamthil an entir bawk. He Zonal Sports-ah hian Serchhip-a Middle School 6 telin infiamna hrang hrangah intihsiakna an nei dawn a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »