Pawl 8 zirlaite tan Scholar-ship Exam buatsaih

/
Serchhip DIET buatsaihin Inrinni khan Serchhip District-a pawl 8 zirlaite tan National Means-cum-Merit Scholarship Exam neih a ni a, hemi hma Inrinni liamta khan pawl 10 zirlaite tan National Talent Search Exam neih a ni bawk.
Sawrkar laipui in pawl 8 zirlaite tana pawl 12 an nih thlenga Scholarship an hmuh theihna tura ruahmanna a siam, National Means-cum-Merit Scholarship Exam hi kumtin November thla Inrinni vawi hnihna a neih \hin a nih angin Inrinni khan Serchhip DIET-ah neih niin Serchhip District chhunga Middle School hrang hrang 10 a\angin pawl 8 zirlai 141 an exam a, he Exam-a tel zirlai te hian Mental Ability Test (MAT) leh Scholastic Ability Test (SAT)-ah te exam neiin zirlaite hian minute 90 chhungin zawhna 90 an chhan hman a ngai a. He Exam-a Serchhip District chhung ti\ha zirlai thlanchhuah te chuan pawl 12 an nih thlengin kumtin Scholarship Rs. 12,000/- an hmu thei dawn a ni.
Serchhip DIET hian kumtin November thla Inrinni hmasa bera an lo tih tawh \hin angin Nov. 3 khan Serchhip District chhunga pawl 10 zirlaite tan National Talent Search Exam an lo buatsaih tawh bawk a, he Exam-ah hian Ser-chhip District chhunga pawl 10 zirlai 92 te exam in a ti\ha thlanchhuah te chuan pawl 11 leh 12 an zir chhungin thla tin Scholarship Rs. 1250/- an dawng thei dawn a, BA an zir a\anga Ph.D an zir thlengin thla tin Rs. 2000/- an dawng thei dawn bawk a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »