Mizoram Assembly Session nei turin koh a ni

‘Halleluiah Chorus nen bul kan \an dawn’ - Ruatkima

Mizoram Assembly Member thlanthar te chu karleh Thawhlehni, December ni 18 khian a vawikhatna atana \hukhawm turin Larsap, Kummanam Rajasekhar chuan a ko a. MNF Legislature Party Secretary, Lalruatkima, MLA chuan MNF sawrkar thar chu ‘Halleluiah Chorus’ nen bul an \an dawn tih a sawi.

Assembly Secretariat a\anga thudawn danin karleh Thawhlehni a\anga neih tur Assembly inkhawmah hian member thlan tharte chu thutiam tira lakluh an ni ang a. Protem Speaker chuan MLA tling tharte hi thu a tiam tir ang a. Inthlan hnu a Assembly inkhawm hmasa ber a nih avangin India constitution-in a phut angin Larsap-in House chhungah thu a sawi ang a, Speaker thlan nghal a nih rin a ni a. Assembly hi ni thum chhung tal chu an \hut rin a ni.

Hetihlai hian MNF Legislature Party Secretary, Lalruatkima, MLA chuan MNF sawrkar thar chu ‘Halleluiah Chorus’ nen bul an \an dawn tih nimin a Aizawl West-II Block MNF in MLA atana thlantlin a nih lawmna a chenna In-a an buatsaih ah a sawi a he hunah hian Lalruatkima chuan Mizoram sawrkar thar chu Dec 15, 2018 chhun dar 12:00-ah lakluh a nih dawn thu leh Minister turte hming list pawh Larsap hnenah thehluh a nih tawh thu sawiin, Sawrkar thar lakluhna hunah hian National Anthem sak zawh a nih hnuah Bible chhiar leh \awng\ai neih a nih dawn thu a sawi a. Hemi atan hian MKHC Chairman, Rev. Lalhming-thanga ruat a nih thu leh Leprosy Choir ten ‘Halleluiah Chorus’ an rem dawn thu a sawi a, Ministry thar chuan karleh Thawh\anni-ah Office an luah dawn thu a sawi bawk.

Lalruatkima chuan MNF Sawrkar hma-lakna hmasa turte sawiin, Pakhatna ah chuan Mizorama kawngpui chhiate chu kum tharah chei-\hat hna thawh nghal a nih tur thu a sawi a. Pahnihna ah chuan Zu vang harsatna leh mipui \awng\aina chu Assembly Budget Session-ah ngaihtuah nghal tur a nih thu a sawi a. Pathumnaah chuan Sikul timing kalpui mek vanga naupang hriselna \ha lo leh zing hnatlang culture bo ta te chu ennawn nghal a nih tur thu a sawi bawk.