Assembly inthlanpui chuh turin mi 212 ten Nomination Paper thehlutin Vawiin ah enfiah dawn

Mizoram Assembly inthlanpui neih tur chuh tumte tana Nomination Paper thehluh theih hun chu khar a ni ta a, Bial 40 awmna he inthlanna chuh tur hian mi 212 ten an hming an pelut a. Congress leh MNF te chuan bial awm zawng zawngah Candidate dahin inthlanna hi an chu dawn a. Heng hming pekluh hi Vawiin ah enfiah a ni ang.

Tun thla ni 28-a Mizoram Assembly inthlanpui neih tur chuh tumte tana hming pekluh hun hi Zirtawpni tlai dar 3:00 khan khar niin he inthlanna chuh tum hian mi 212 ten an Nomination Paper an thehlut a, District hrang hrang zingah Aizawl District chu Nomination Paper thehlut tamna ber niin bial 14 chuh turin he District-ah hian mi 75 in Nomination Paper an thehlut a ni. Mamit District chhunga Assembly bial 3 chuh turin mi 23 in Nomination Paper an thehlut a, Hachhek bial leh Dampa bial-ah mi 8 ve ve in Nomination Paper thehlutin Nomination thehlut tamna ber an ni a, Mamit bial-ah mi 7 in Nomination Paper an thehlut bawk. Assembly bial 3 awmna Kolasib District-ah Nomination Paper thehlut mi 18 awmin Tuirial bial-ah mi 7, Kolasib bial-ah mi 6 leh Serlui bial-ah mi 5 in Nomination Paper an thehlut a ni.
Aizawl District chhungah |awi, Aizawl North-I, Aizawl North-II, Aizawl East-I, Aizawl East-II, Aizawl West-I, Aizawl West-II leh Aizawl South-I ah mi 6 \heuh ten Nomination Paper thehlutin Tuivawl, Aizawl North-III leh Aizawl South-III ah mi 5 \heuh in Nomination Paper an thehlut a. Chalfilh, Aizawl West-III leh Aizawl South-II ah mi 4 \heuh ten Nomination an file bawk.
Champhai District-a Assembly bial 5 chuh turin Nomination file mi 26 awmin Champhai North-ah mi 6 in Nomination an file a, Lengteng, Tuichang, Champhai South leh East Tuipui-ah mi 5 \heuh in Nomination an file bawk. Serchhip District chhunga Assembly bial 3 chuh turin mi 19 in Nomination file in Serchhip-ah mi 7 leh Tuikum leh Hrangturzo-ah mi 6 ve ve ten Nomination an file bawk.
Lunglei District chhunga Assembly bial 7 chuh turin mi 29 ten Nomination file in Thorang bial-ah mi 5 in Nomination Paper an thehlut a, a bak South Tuipui, Lunglei North, Lunglei East, Lunglei West, Lunglei South leh West Tuipui-ah mi 4 \heuh in Nomination paper an thehlut.
Lawngtlai District chhunga Assembly bial 3 chuh turin Nomination file mi 14 awmin Tuichawng-ah mi 4 leh Lunglei West leh Lunglei East-ah mi 5 ve ve in Nomination hi an file a. Siaha District chhunga Assembly bial 2, Siaha leh Palak bial chuh turin mi 4 ve ve in Nomination file in an District-ah hian Nomination file mi 8 an awm.
MLA chuh tura hming pelut zingah hian bial hnih chuh tum mi 7 an awm a, chungte chu INC a\angin Lal Thanhawla chuan Champhai South leh Serchhip-ah hming pelutin, ZPM Chief Ministerial Candidate Lalduhoma'n Aizawl West-I leh Serchhip-ah hming a pelut a. NPP Convener Lianzuala chuan Dampa leh Mamit, NCP Mizoram President Lalawmpuia Chhangte in Mamit leh Dampa, Zoramthar President Rev. Dr. Zaichhawna Hlawndo in Aizawl West-I leh Serchhip bial chuh tumin, a fanu  Lalhrilzeli Hlawndo in Aizawl North-II leh Lengteng bial bakah Lalruatfeli Hlawndo in Aizawl North I leh Tuikum bial chuh turin an hming an pelut bawk a ni.
Kumin inthlanpui neih turah hian Congress leh MNF Party chuan seat 40 ve ve an chuh dawn a, BJP in Seat 39, ZPM (Independent) in seat 35, PRISM in seat 14, NPP in seat 9, NCP in seat 4 leh Zoramthar (Independent) in seat 24  chuhin behchhan neilo Independent-a chuh tum 6 an awm bawk.
Tun \um inthlanna neih turah hian inthlan chuh tura hming pelut zingah Hmeichhia 15 an awm bawk a, Nomination File zinga hmeichhia an tam ber \um niin INC-ah 1, BJP in 6, ZPM in 2, Zoramthar in 5 leh NCP in 1 an nei a ni.

Popular posts from this blog

PAN CARD an tih teh fo hi - Laldinpuia