MJA General Hqrs. hruaitute leh Chin Unity Forum hruaitu ten Tahan-ah inkawmna an nei

Mizoram Journalists' Association (MJA) hruaitute leh Chin Unity Forum hruaitute chu kar kalta khan Tahan Sanmyo Veng a Golden Butterfly Hotel-ah an inkawm a, inunauna atana thil pawimawh hrang hrang an sawiho.
Inkawmhona hun hi MJA General Headquarters President, Zonunsanga Khiangte chuan a kaihruai a, MJA chuan Zohnahthlak hnam hrang hrangte inpumkhatna an ngai pawimawh em em a ni tih sawiin, “Kum 2003 a Burma mi hnawhchhuah runpui a thlen pawh khan MJA chuan pawisawilo te hnawhchhuah \ha lo a tih thu a auchhuahpui a ni,’ a ti a. An rilru hliam a nih chungchangah ngaihdam dilin Unau inngeih tlang taka awm chu MJA duhdan a ni, a ti. Ruihhlo chungchangah Mizorama rawn kengluttu chu Myanmar lam mi an nih thu sawiin, a tihrem kawngah \anho pawimawh a tih thu a sawi bawk.
Chin Unity Forum President, H. Vanlalruata chuan Myanmar-a Mizo awm zingah Hualngo leh Lusei an intihrang nia sawiin, Mizo, Paite, Pawi leh a dang te an insuihkhawm theihnan Chin Unity Forum an din tih a sawi a. An pawl chuan Myanmar ram chhunga Zohnahthlak hnam hrang hrangte lungrual taka an \anho theihnan hma an lak mek thu sawiin, kumin chhung ngei a hnam hrang hrang aiawhte telna Committee hi neih hman an tum thu a sawi. Chin Unity Forum President chuan ruihhlo chungchangah Mizoram a\anga chahtu an awm \hin avanga kengtu an awm \hin ni a an hriat thu sawiin, A kengtu leh a chahtu hi inangtlanga hrem nise tun ai hian a ziaawm an rin thu a sawi a, ruihhlo zuar \hinte chu an huat thu leh ruihhlo zuar an mante hian an hming leh khaw lem an sawi \hin tih an sawi a. Police leh Excise hnathawk zingah sum la \hin leh kaisanna’na hmang an awm ni a an hriat avangin an rilru a na hle niin a sawi bawk.
Chin Unity Forum hruaitute chuan Burma mi hnawhchhuah vanga an rilru na chu a ziaawm tawh hle tih sawiin, Zoram mipuite chu a \ha \ha pek let ve tawh an duh tih an sawi a. Mizoram chu an innghahna a nih thu sawiin, Zohnahthlakte’n inpumkhatna kawng an zawh \an chu lawmawm an tih thu an sawi bawk.

Popular posts from this blog

PAN CARD an tih teh fo hi - Laldinpuia