Latest News

Vote i thlak \heuh ang u

Vote i thlak \heuh ang u


Harsatna dang thleng thut a awm a nih loh chuan Mizoram Assembly inthlanpui chu naktuk hian Mizoram pumah neih a ni dawn ta a, he inthlanna neih tur atan hian in-buatsaihna pawh peihfel thawkhat ni tawhin Polling Party tam ber te pawhin Vawiin hian an duty-na tur hmun an pan dawn a ni. He inthlanpui neih turah hian India khua leh tui, vote nei thei chin te chuan kan ram hruaitu tur, kan aiawha roreltu tur thlang turin Vote kan thlak a pawimawh hle mai a, khua leh tui kan nihna angin Vote i thlak \heuh ang u.
Kan hriat \heuh angin India ram hi mipui ten kan aiawha roreltu tur thlanga Vote thlak \hin kan ni a, kan ramah inrelbawlna \ha te neia hmasawn kan duh a nih chuan kan ai-awha roreltu \ha kan thlanchhuah hmasak a ngai a, chumi atana pawimawha hmasa ber chu vote thlak hi a ni. Chutianga kan aiawha roreltu tur thlang tur chuan naktuk mai ah hian Vote kan thlak dawn a ni a, Vote nei te zawng zawng chuan kan tih ngei ngei tur chu Vote thlak a ni tih hriain kan tih tur hlen turin Vote i thlak \heuh ang u.
Hetianga kan aiawha roreltu tur thlang \hin kan nih avang hian kan rama ro-relna \ha a awm leh awmloh thu ah pawh mipuite hian mawhphurhna sang tak kan nei a, roreltu \ha leh ram hmasawnna duhtu te kan thlangtling a nih chuan kan ram pawhin hma a sawn anga, chutiang ngaihtuah lemlo leh hmasawnna min thlen theilo ram hruaitu kan thlang a nih chuan kan ram pawhin hma a sawn kan beisei ngamlo ang. Chuvangin kan ram in hma a sawn theihna tura mi \ha leh ram hruaitu \ha thlangchhuak turin India khua leh tui, Vote nei te chuan tun inthlanpui ah hian Vote i thlak \heuh ang u.

Comments

Popular News (Last 30 Days)