R. Lalzirliana’n MNF-a lut turin sawm

MPCC Vice President leh MLA a\anga bangta, R. Lalzirliana chuan, “Lal chhungkaw sawrkar bik siam duhlo zawng zawngte mipui sawrkar siam turin MNF-a lolut turin ka sawm a che u,” a ti.

Nimin a Hnahthial Bazar-a MNF South Tuipui Assembly Constituency Campaign Kick-Off Cum Rally-ah he thu hi sawiin R. Lalzirliana chuan, “Hnahthial-ah hian kum 2008 Campaign lai khan Pu Hawla leh tuna an bialtu MLA-te lokalin ‘MNF-in District an pek ang mai mai ni lo, District fuke kim kan pe ang che u’ an rawn ti a, chungte chu helai hmunah te, Saitual leh Khawzawl-ah te pawh kan hmu ta lo. Cabinet a\anga ka ban khan Congress party a\ang hian ban ka tum kher lo. Mahse, lalchhungkaw siam len zel nan ka hnawksak a, min hnawtchhuak zawk a ni. Lal chhungkaw sawrkar bik siam duhlo zawng zawngte mipui sawrkar siama MNF-a lo lut turin ka sawm che u a ni,” a ti a. Congress a\angin an hnawtchhuak lo ang tih a hlauh thu sawiin, “Min hnawhchhuahna rilru kha a thianghlim lo hle a ni. Minister a\angin Rinmawia Ralte leh Lal Thanzara an bang a, hnawhchhuah an ni ve lo, Cabinet-ah te a hlangkai zawk. Rinmawia Ralte tan hian chhungril-ah in candidate leh hi a chakawm loh a. Lungsi takin Candidate hi a changlo hauh lo ang," a ti bawk.

R. Lalzirliana chuan, “Zu chungchangah Excise Minister ka nih angin zirchiangtute report-ah a \ha lam 1%, a t\halo lam 2.8% a ni a. Rawtna chu 1- Zu khuahkhirh (MLTP) a kirleh, 2- a ngai anga awm, 3- Excise Force tihchakte a ni a. Report chu CM-ah ka thlen a, kan \halaite an thi fai mai dawn a, i sut leh mai ang u ka ti a, CM chuan min bengkhawn duh lo. Excise Minister nih zel kha ka ngam tawh lo a, Saitual District bakah chu chu ka ban chhan pakhat chu a ni,” a ti bawk.

He biala MNF Candidate tur, Dr. R. Lalthanglian pawhin Congress sawrkar in kum 1998-a a thu chauha an hawn District 5-te kha anni chuan term khat ralhmain i-he lovin an tipuitling vek tih sawiin, “Kum 2008 kumtawpa District pathum -Hnahthial, Khawzawl leh Saitual te sawrkar notification chhuah thlapa kan hawn pawh kum 10 an sawrkar chhung hian engmah an ti ve duhlo a. Hetianga mipui sawiselna leh demna laka hmai phih fai nan Saitual, Hnahthial leh Khawzawl-ah a hmingin Treasury Office an hawng ve ringawt a. Keini chuan Pathian leh mipui zarah kan sawrkar ang a, District pathumte hi tipuitlingin Treasury Office leh Department dang Office-te hi chu District-in a kentel sa vek a ni. Roreltu ten tumna tak tak 'political will' an neih \hat leh \hatlo ah a innghat a. A tihhlawntlinna tur sum leh boundary tih vel chu a fel nghal mai ang. Kan hun hmasaa kan pek tawh District thar 3 lo piang tur hi kan mawh a ni,” a ti bawk.