Social Media-a thu post vangin Petrol Pump enfiah

Tunhnaiah Social Media (Facebook) lamah Serchhip IOC Petrol Pump-a tuialhthei hralh-chhuah te chhe lutuk leh Motor pawhin a tuar nasa nia sawi a awm avangin inrinni khan Serchhip Petrol Pump-a tuialhthei dahkhawlsa te chu enfiah a ni.
Social Media lama Serchhip IOC Petrol Pump-a tuialhthei dah te a chhia nia sawi chungchang ah hian Serchhip-a Legal Metrology Inspector, Johnny Zonunmawia chuan Petrol Pump-a Oil lo thleng te hi an enfiah zel thu sawiin, a sawiseltu tam tak hian Legal Metrology lama thawk te pawh an hmer tel \hin avangin an tan pawh a zahthlak \hin thu a sawi a, hei vang hian Consumers Association hruaitute, tlawmngai pawl-a YMA hruaitute leh thuthar thehdarhtute bakah Petrol te a \halo nia thehdarhtute nen enfiah tlan chu \ha an tih thu sawiin, Petrol \ha leh \halo enfiahna chi hnih an neih thu a sawi a, hemi hnu hian he huna tel te hian Petrol Pump-a Petrol leh Diesel te chu lachhuakin an enfiah a, heng Petrol leh Diesel te hi Dan in pawm theih a tih chhungah awmin a \ha tawk tih finfiah niin a tehna hmanrua te pawh an enfiah nghal a, a dik tih finfiah a ni bawk.
Serchhip-a Petrol Pump enkawltute chuan mipui ten sawrkar pawm ang ngei tuialhthei an hmuh theihna tura theihtawp an chhuah laia Social Media lama anmahni puhchhe zawnga thil Post a awm \hin chu pawi an tih thu sawiin, an tuialhthei hralhchhuah te chu engtiklai pawha enfiah reng theih a nih thu an sawi a. Hetianga finfiahna nei lova Social Media lama inpuhchhiatna hi chu thleng tawhlo se an duh thu an sawi bawk.

Popular posts from this blog

PAN CARD an tih teh fo hi - Laldinpuia