CMS in Parents Day hmang

Chawngbuangin Memorial School Serchhip chuan nimin khan Parents Day neiin Serchhip SDEO, Vanlalchhana chuan khuallian niin a hmanpui.

Serchhip Auditorium-a Chawngbuangi Memorial School ten Parents Day an neih ah hian Serchhip SDEO, Vanlalchhana chuan hetianga zirna In ten an zirlai nu leh pa te intawhkhawmna hun pawimawh tak, zirlai naupang ten an thiam thil chi hrang hrang an entirna tur hun ni nghal bawk an buatsaih chu lawmawm a tih thu sawiin, he huna an thil entir hrang hrangte chuan zirlaite chu an zirlai ah hma a sawn tir ngei an beisei thu a sawi a. Rampuma sawrkar hmalakna kal mek Faina leh thianghlimna chu zirlai naupangte an zirtir uar deuh deuh a pawimawh thu pawh sawiin, nau-pangte chu an naupan lai a\anga zirtir an nih chuan kan ram tan thil chhenfakawm tak ala nih dawn thu a sawi bawk.

He hunah hian an School Headmistress, Lalthlamuani chuan inlawmna thu sawiin Pastor J. Lalthansanga chuan hunserh a hmang a. Hemi hnu hian zirlai ten an an thiam thil chi hrang hrang entirin zai leh lam bakah item hrang hrang entir a ni a. Chawhnu lamah Auditorium Corridor-ah Science Exhibition neih zui niin zirlai ten Science thiamna hmanga thil an siam chi hrang hrang an entir nghal bawk a ni. Chawngbuangi Memorial School-ah hian Nursery a\anga pawl 8 thleng zirna awmin naupang 450 leh thawktu 13 an awm mek a ni.