Assembly inthlanpui neih tur atan Serchhip-ah NPP hruaitu ten campaign an rawn nei

Nagaland a\anga rawn kal National People Party (NPP) hruaitute chuan nimin khan Serchhip Bazar-a NPP Office-ah inkhawm buatsaihin Assembly inthlanpui neih turah Serchhip bial-a an Candidate lo vote \heuh turin mipuite an sawm.
Nimin-a Serchhip Bazar Veng-a Vanhlira building-a NPP in inkhawm an buatsaih ah hian Nagaland sawrkar-a Miniter nilai, Imnatiba Jamir chuan thu sawiin tun \um hi Mizoram-a \um hnih a rawn kalna a nih thu leh Serchhip chu \umkhat a tlawhna a nih thu sawiin, North East mi ten India ram zau zawka lungrual taka hma an lak theihna turin NPP chu din a nih thu a sawi a. India ramah Congress Party in hun rei tak sawrkar siam tawh mah se tunah chuan National Party an nihna pawh hloh mai thei dinhmuna an din tawh thu a sawi a. Ramchhung hmundang ami ten hmarchhak mite chu mi chikhat anga min hmuh thu pawh sawiin, amaherawh chu Hnam hrang hrang leh tihdan pawh hrang nei kan nih dan tilang tura kan \anrual a \ul thu a sawi. Imnatiba Jamir chuan NPP chu Party naupang tak ni mah se North East bakah India ram hmundang ah pawh an inzarpharh zel tih sawiin, hetianga hma an lak laia Serchhip bial-a Candidate tur \ha tak an nei chu lawmawm a tih thu a sawi a, Serchhip khaw mi ngei, inthlan zawha bial danga haw ngailo tur leh a bial \hutchilh nghal theitu tur chu lo thleng tling turin he huna kalkhawmte chu a chah bawk.
Serchhip bial-a NPP Candidate, Kapliana Pachuau kaihhruai he hunah hian Nagaland NPP President, Ato Yepthomi pawhin thu sawiin kum 2003 leh 2008-ah inthlanpui ah te khan BJP tan Mizoram-ah a rawn campaign tawh thu sawiin, BJP-ah an State President hial ni tawh mah se BJP chu Anti-Christian a nih avangin BJP chu chhuahsanin NPP a zawm tak thu a sawi a. India in zalenna a hmuh hnuah Congress ten hun rei tak rorel mah se hmasawnna tak tak a awm loh thu leh tunah BJP te pawhin sawrkar kaihruai ve leh mah se hnathawh tak tak hmuh tur a awm chuanloh thu a sawi a. Kristian te Ni pawimawh Krismas leh Good Friday te chu Ni pawimawh dangah an hman tak zawk thu a sawi. Hei bakah hian Ato Yepthomi chuan BJP te hian Bru te tan Autonomous District Council pawh an tiam nia a hriat thu pawh a sawi bawk.
Nimin a NPP ten Serchhip-a hun an hmanna ah hian NPP hla siam thar chu tlangzarh a ni a, hemi hnu hian NPP hruaitute hian Thenzawl lam an pan leh nghal a ni.

Popular posts from this blog

PAN CARD an tih teh fo hi - Laldinpuia