MPCC thusawi lemchanna tenawm ah ngai

ZPM chuan MPCC Media department ten thuthar thehdarhtute hmaa "Zu chungchanga nasa taka \awng\aitu Kohhrante hi Zu zawrh chungchangah kan rawn zel dawn tih kan puang a ni," tia an sawi chu mipuite laka lemchanna leh vote zawnna tenawm takah an ngai tih an sawi.
Nimin a thuchhuah an siamah ZPM General Hqrs. chuan Congress party sawrkarin Zu an zawrh tirh a\anga vawiin thlengin Zu vanga mi tam tak an thih mek lai hian August ni 16, 2018 (Zirtawpni) a Bhavan Political Session-ah Congress party President leh Chief Minister ni bawk, Lal Thanhawla chuan, "MLPC Act hman a lo nihin kohhranin \awng\ai rualna nen hun hmang mah se, \awng\aina chhanna chu awmze nei deuha zu zawrh hi niin a lang," tiin a sawi niin an tarlang a. He \awngkam hi Zu in mihring nun a tihchhiat dan leh ringtute tan a pawizia hriaa, Mizoram-ah Zu zawrh a nih loh nana \hahnemngai taka mittui nena Pathian autu Kohhran hote \awng\aina deusawhna dik tak a ni tih lo hre thar leh turin Congress party hruaitute an hriattir tih an tarlang a. Pastor leh Kohhran mite zahlo taka diriam a, Zu zawrh an dodal avanga Kohhran mite beitu ten tuna MLA Inthlanpui hmachhawn lai taka vote duh vanga lemchanna rilru pu chunga Zu zawrh chungchangah Kohhran an rawn tur thu an sawi leh vel chu zahthlak leh tenawm hle ah an ngai tih an tarlang bawk.

Popular posts from this blog

PAN CARD an tih teh fo hi - Laldinpuia