Mizoram Larsap in Nagaland-a Hornbill Festival hman mek Khuallian niin a hmanpui

Kisama Village, Kohima, Nagaland-a Hornbill Festival 2018 hman mek ni 6-na, nimin a neih chu Mizoram Larsap, Kummanam Rajasekharan chuan khuallian niin a hmanpui a, Kum 2000 a\ang khan Hornbill Festival hi kumtin, a hmun ngaiah hian December  ni  1 a\anga ni 10 thleng hman \hin a ni.

Nimin a Hornbill Festival 2018 ni 6-na ah hian Mizoram Larsap, Kummanam Rajasekharan chuan India ram chhunga Festival hrang hrang kan neih zinga a chhim chak ber zinga tel Hornbill Festival kumin chhungin a chhim thei ta chu lawmawm a tih thu a sawi a. Naga mipuite leh Nagaland Governor te hnenah lawmpuina hlanin, Hornbill Festival  2018 chu a ni tawp ber, December ni 10 thlenga hlim taka hmang chhunzawm turin duhsakna a hlan nghal bawk. Larsap chuan Hnam Lam, Hnam  Infiamna leh mahni Hnambil-a kan neih kan thu leh hla te hi hmundanga kan Hnam thil phochhuaktu \ha ber ber te an ni tih sawiin, chumi atan chuan Hornbill Festival chu \angkai taka hman a ni tih a sawi a. Mizoram Governor chuan Hornbill Festival chu Nagaland chhung atan mai ni lo, Hmarchhak bial chhunga Kut hlawhtling, hriathlawh tak leh mi chi hrang hrang te hiptu a ni tawh a. Hornbill Festival hlawhtlinna ah hian entawn tur tam tak a awm thei a ni, a ti bawk.

Nimin a Hornbill Festival ni 6-na chawhma programme-ah hian Kut thlengtu atan P. Paiwang Konyak, Minister for Transport, Civil Aviation & Railways, Land Resources hman a ni a, Khual pawimawh atan Major Gen. VK. Mishra, GoC, HQ 57, Mountain Division chu hman a ni a. He Festival hman ni khatna a\anga ni 10 thleng hian Programme huapzo tak leh hlung taka siam khah vek a ni.

Kumin Hornbill hi December 5 thleng khan rampawn lam khualzin 2000 chuang, India ramchhung a\anga tlawhtu 15,325 leh tualchhung mi 80,000 bawr velin  an tlawh tawh a ni.