MLA Election-a Serchhip District-a Expenditure Observer in EEM Team te a kawm

MLA General Election lo awm tura Serchhip District tana Election Commission of India in Expenditure Observer tura a ruat, Pu Divakar Chakravarti, IRS chuan Serchhip rawn thleng tawhin Inrinni khan Serchhip District-a Election Expenditure Monitoring (EEM) team hrang hrangte meeting a neih pui nghal.

Serchhip DC’s Conference Hall-aMeeting-ah hian Expendirue Observer, Pu Divakar Chakravarti chuan, Candidate tinte sum hman theih zat bithliah chu cheng nuai 20 a nih thusawiin, campaign-ah dan hnuaia sum hman theihna (legal) expenditure leh dan phalloh zawnga sum hmanna (illegal expenditure) a awm thusawiin, candidate tinte sum hmanral kawng tinreng chu Election Commission of India in dan a siam ang thlapa endika umzui a nih zel tur thu a sawi a. Team hrang hrangte chu an chanvo thawh dan tur inziahna lehkhabu kawl reng tur leh bihngun tura fuihin, Team tin te chu inmamawh tawn leh thawkho vek an ni tih inhre turin a ngen a. Harsatna an nei emaw, zawh duh leh hriat duh an neih apiangte inthlahrung hauh lova zawt zel turin a ngen bawk.

Election Expenditure Monitoring Teams hrang hrangte a huhova Meeting a neihpui zawh hian Observer hian Accounting Team leh Assistant Expenditure Observers te chu a hrangin Meeting a neih pui leh a, chumi hnuah Election Expenditure Monitoring Teams hrang hrangte \hutna Room leh an inbuatsaihna te a hmunah a tlawhkual leh a ni.

Inrinni-a Observer in Election Expenditure Monitoring Teams te Meeting a neihpui hi Chuauhnuna, MCS, Nodal Officer, Election Expenditure Monitoring leh EEM Supporting Officers R. Vanrengpuia, MCS leh K. Saitluanga, MIS ten an \awiawm a. Election Expenditure Monitoring Teams hrang hrang, Assistant Expenditure Observers te, Accounting Team, Flying Squad, Static Surveillance Team, Video Surveilance Team, Video Viewing Team, MCMC leh Control Room te an tel kim hle a ni.

Serchhip District Expenditure Observer atana Election Commission of India in a ruat Divakar Chakravarti hi Indian Revenue Service 2006 Batch niin tunah hian Income Tax Department ah Jt. Director hna Kolkata-ah a chelh mek a ni.