NPP in Serchhip-ah Vantlang inkhawm neiin NPP Candidate thlangtling turin an sawm

Mizoram Assembly inthlanpui neih tur atana Campaign in National Peoples’ Party (NPP) chuan nimin khan Serchhip-ah Vantlang Inkhawm an buatsaih a. He hunah hian NPP President leh Meghalaya Chief Minister, Conrad Sangma chuan thu a sawi a ni.
Nimin a NPP in Serchhip Bazar-a Vantlang Inkhawm an buatsaih ah hian Meghalaya Chief Minister, Conrad Sangma chuan Serchhip chu a vawikhat rawn kalna a nih thu sawiin, tun thla ni 28 khian Serchhip mai bakah Mizo mipuite chuan duhthlanna neiin kan inthlang dawn tih a sawi a. India rama Congress leh BJP kaihhruai State sawrkar chu a liam mek nia sawiin, hmarchhak bial State 7-ah pawh Congress chuan anmahni in State pakhat ah chiah sawrkar an siam tawh thu a sawi a. Hei hi a chhan ber chu Congress Party in an thutiam an hlen \hin loh vang nia sawiin, chutiang karah chuan hmarchhak bial tan NPP chu din a lo ni ta tih a sawi a. NPP chu India hmarchhak mipui Tribal tana ding awmchhun leh Kristian Sakhaw humhalha tungdingtu a nih thu sawiin, kum 6 lek liamta chhungin hmarchhak State 4-ah sawrkar an siam tawh thu a sawi a. Kum reilote chhungin NPP chu India rama Party \hang duang ber a nih dawn thu pawh sawiin, an thil tih chu North East mipuite tan, Tribal leh Kristian te humhalh nan leh hma an sawn nana ti an nih thu a sawi a, Mizoram mipuite pawhin lo \awiawmin lo tel se a duh thu sawiin, NPP in Serchhip bial mi leh sa ngei Serchhip Bial-a Candidate an nei chu vanneih an in tih thu sawiin, lo thlangtling ngei turin Serchhip mipuite chu a chah bawk.
He hunah hian Serchhip bial-a NPP candidate, Kapliana Pachuau pawhin thu sawiin Serchhip in bialtu MLA alo neih tawh \hin thu leh amaherawh chu mipui ten nel taka an harsatna an thlen ngamna MLA erawh kan la neilo niin a sawi a. Serchhip bial mipui ten harsatna kan tawhin kan bialtu MLA ka au eih zolo nia sawiin, MLA neilo ang vel kan nih thu a sawi. Kapliana Pachuau chuan Serchhip bial mipui te kan harh a hun tawh tih sawiin, chhimlam in min harh khalh tawh thu leh an bial mi te MLA an neih \hin avangin ham\hatna awm thei ang angah te pawh a bial chhung mi ten an chang zel tawh tih a sawi a. Serchhip-a hmasawnna hna kan tih tam tak chu a bial chhung mi ten kan thawk ve thiam nia a hriat thu pawh sawiin, amaherawh chu Serchhip bial aia Vai hi duhsak zawk \hin MLA kan thlan tlin leh \hin avangin kan thawk ve theilo tih a sawi a. Serchhip bial-a MLA Candidate dang te chu inthlan zawh tuka Aizawl lama haw leh tur vek an nih thu pawh sawiin, Serchhip bial ami a nih avangin an khawngaih vote dil a hreh loh thu leh bial mipuiin an ring ngama an vote a nih chuan rin ngama hna a thawh tur thu a sawi a. Thlantlin a nih chuan bial mipuiin harsatna an tawk a nih chuan an hmaah a ding zel ang tih a sawi bawk.

Popular posts from this blog

PAN CARD an tih teh fo hi - Laldinpuia