Thla 5 chhungin Chhiah vbc 239.86 hmu tawh GST a\anga hmuh vbc 166.53 a tling

Mizoram sawrkar-a Taxation Department chuan sawrkar kum kal mek 2018-2019 a thla nga (April - August) chhungin chhiah Rs. 23,98,638,162/- a hmu tawh a, hemi hun chhung vek a GST atanga chhiah hmuh zat chu Rs. 1,66,53,42,151/- a tling bawk.

Sawrkar kum kalta 2017-18 chhung khan Mizoram sawrkar-a Taxation Department in chhiah a hmuh zawng zawng chu Rs. 4,24,92,25,202/- a tling a, chhiah hmuhna tam ber chu Sales Tax niin Sales Tax a\angin Rs. 2,41,45,69,272/- hmuh niin, Profession Tax-ah Rs. 14,93,65,124/- hmuh a ni bawk a, GST ah pawh Rs. 34,26,36,486/- hmuh niin, Entertainment Tax ah Rs 39,51,172 leh Entry Tax ah Rs 2,36,19,683/- hmuh a ni. Kumin kal mek 2018-19, April - August chhunga Taxation Department in chhiah a hmuh tawh zawng zawng chu Rs. 23,98,638,162/- a ni a, kumin 2018-19 a Taxation Department chhiah hmuh beisei zat chu cheng Vbc. 483.34 a ni. Kumin thla nga chhungin GST-ah Rs 1,66,53,42,151/- hmuh tawh niin, Profession Tax ah Rs. 5,71,05,460/- hmuh tawh a ni a, Sales Tax-ah Rs. 67,53,09,252/- leh Entry Tax-ah Rs. 1,86,805/-, Entertainment Tax-ah Rs. 76,500/-, Registration & Liscence Tax-ah Rs. 6,00,730/- hmuh tawh a ni bawk.
Kumin 2018-19 April thla chhung a Taxation Department chhiah hmuh zawng zawng chu Rs. 59,37,72,554/- a tling a, May-ah Rs. 38,55,67,061/- hmuh niin, June-ah Rs. 34,86,73,819 hmuh a ni a, July thla-ah Rs 65,13,47,537/- leh August ah Rs 40,63,31,231/- hmuh a ni.
Tarlan tawh angin, kum 2018-19 Mizoram Budget chu cheng vbc. 9672.64 a ni a, hei hi kum 2017-18 Budget (BE) vbc. 8803.10 aiin vbc. 869.54 (9.88%)-in a tam zawk. Kum 2018-19 tawpa Mizoram sawrkar leiba zat tura beisei chu cheng vbc. 7887.04 a ni a, Kum 2013-14-a leiba chu cheng vbc. 5608.38 a nih laiin, GSDP a\ang chuan 54.46% a ni a, kum 2017-18 budget estimate-a leiba vbc. 7177.99 chu GSDP a\angin 40.87% a ni. Kum 2018-18 budget-a Mizoram state sawrkar bikin sum a hmuh chhuah ve tura beisei (State Own Revenue) chu State Own Tax Revenue-ah cheng vbc. 483.34 leh State Own Non-Tax Revenue-ah vbc. 323.85 a ni a, a vaiin vbc. 807.19 niin, kum hmasa nena khai-khinin 16.2%-in a pung tura ruahman a ni bawk.

Popular posts from this blog

PAN CARD an tih teh fo hi - Laldinpuia