BJP Candidate inhmukhawm

Assembly inthlanpui neih zawh taka BJP Official Candidate te chu nimin khan Aizawl-a BJP Mizoram Pradesh, President Office-ah in-hmukhawmin inthlanpui neih zawh tak thlirletna an nei.

Nimin a BJP Candidate inhmuhkhawmna hi an President, Prof.JV Hluna chuan kaihruaiin hun engemaw chen a\ang khan Party hrang hrang ten BJP chu nasa tak a chirhtheh in, ‘Zoram mipuite hi sum in an lei dawn a, lo finkhur rawh u’ tiin Pulpit tlang thlengin Kohhran hruaitu zahawm tak tak ten Zoram mipuite Warning pe in, ralkhel dar an vua tih a sawi a. Amaherawh chu tuna Candidates kalkhawm ten an hriatchian em em chu Campaign na tur sum a awm lo tih a ni tih sawiin, “Sumin Mizo mipuite hi lei min tum lova, kan hnen a an zawrh ber chu rethei te din-chhuahna tur Development hrang hrang, Zoram retheihna ata chhanchhuahna thu bak a ni lo tih hi Zoram mipui hriatah ka sawi duh a ni,” a ti.

Prof. JV. Hluna chuan Seat 25 lak an inbeisei nia sawi awm chu thu diklo a nih thu sawiin, “Kei chuan seat kan lak zat hi ka sawi thei lova, Pathian leh mipui zarah seat engemaw zat hi chu kan la ngei ang,” tiin Party-a Majority nei an awm an awm a rinloh thu a sawi bawk.

BJP Candidates te hian thuchhuah siamin, “BJP hi kil hrang hrang a\anga do na, nasa tak a awm chungin, Mizoram tan a \ha ni a kan hriat avangin huaisen takin hma kan la a. Candidates te sum lamah kan pachhe hle mai a, Party dangin min beihna, 'BJP-ah chuan sum a tam a, Mizo mipuite hi sumin lei an tum dawn a ni' ti a mi min chirhthehna chu dawt mai a ni tih a langchiang ta hle mai. Chuti chung chunga Mizo mipui ten kan Ram rorel dan khamkhawp tawh lo a, ram \ha lehzual chaka tuihal a, Development State dang te angin lo thleng ve se tih duh avang a, in vote hlu tak min pe tu zawng zawngte chungah lawmthu kan sawi a ni,” an ti bawk.