Bawlhhlawh hal khap

Mizoram sawrkar chuan pawnler-a bawlh-hlawh hal khap a nih thu leh he khapna bawh-chhia te chu pawisafai chawitira hrem theih an nih thu a sawi.

Environment, Forest & Climate Change Department chuan Bawlhhlawh leh hnawmhnawk tihral dan chungchangah thuchhuah siamin Bawlhhlawh leh hnawmhnawk, a paihna hmun tur ni lova thehthang mai mai te leh halral te chu Solid Waste Management Rules, 2016 chuan a khap tih an tarlang a. He dan bawh-chhetute chu kum 5 thleng lung In tan emaw, pawisa cheng nuai khat thleng chawitir emaw, a pahnih hmanga hrem theih an ni tih an tarlang.

Mizoram sawrkar pawhin National Green Tribunal thupek angin tun thla ni 1 a\ang khan Mizoram-ah pawnlera bawlhhlawh hal (open burning) khap a nih thu hriattirna chu kumin June ni 14 khan a tichhuak a, Bawlhhlawh haltute chu a tlem tham deuh hal-ah Rs. 5,000/- leh a tam tham deuh hal-ah Rs. 25,000/ - “Environment Compensation” atan chawitir theih an ni a. Chung pawisa chawi tlingkhawmte chu Aizawl-ah chuan Mizoram Pollution Control Board leh hmun dangah chuan Deputy Commissioner \heuh te’n “Arrears of Land Revenue” angin sawrkar ah an chhunglut ang tih a tarlang bawk.