MPCC in nuihzatthlak ti

Mizoram Pradesh Congress Committee (MPCC) chuan Oct. 22, 2018-a MNF MLA Can-didate puan leh Election Manifesto tlangzarhnaa ah MNF President, Zoramthanga thusawi chu nuihzatthlak an tih thu leh kum 10 chuang Chief Minister ni tawh Finance Portfolio-te pawh lo chelh tawh thusawi atan chuan mawlmang an tih thu an sawi.

Nimin a thuchhuah an siamah MPCC chuan Oct. 22, 2018-a MNF President, Zoramthanga’n MNF an sawrkar chuan Finance Department hotute kokhawmin, sawrkar leiba zat zawta, sawrkar leh sawrkar leibat chu eng-helhawm a nih loh thu leh a pawimawh chu mimal leh Company-a bat zat a nih thu sawia chu chu a chhutchhuah tir ang tih a sawi chu kum 10 chuang Chief Minister ni tawh, Finance Portfolio-te pawh lo chelh tawh thusawi atan chuan mawl-mang an tih thu an sawi a.

MPCC thuchhuah chuan State nih a\angin sawrkar leiba chu a pung chho zel a, sawrkar leibat dan pawh kawngkal nei vek a ni tih tarlangin, chungte chu sawrkarin kumtin a rul zel a, Budget-ah a chuang vek tih an sawi a. Sawrkar leiba pung zel mahse, zawi zawiin a bik takin Congress sawrkar, Finance Minister Lalsawta hunah Mizo-ram sawrkar sum dinhmun chu a \ha chho zel a, MNF hun laia kum khata Mizoram sum deh-chhuah (GSDP) a\anga leiba 108.9% chu tunah chuan GSDP a\angin Mizoram leiba chu 31.19% ah a lo tla thla ta tih an tarlang bawk.

Kum 10 Chief Minister tawhin sawrkarin mimal leiba anga a ngai phei chu MPCC chuan mak an ti takzet tih pawh tarlangin, ‘Inthlan a hnai tial tial a, eptu Party hmangaihtute chuan mipui hnenah tiam theih zawng zawng an tiam dawn emaw tih mai tur a ni,’ an ti a. Heng eptute thutiam hian mipui a tiphawklek lem lova an hriat thu pawh tarlangin, sawrkarna an chelh lai pawh a an tih theihloh te a nih avanga an tiam leh chutiang ti thei dinhmuna an ding dawn lo tih an inhriat avanga tiam zel maiah an ngaih thu an tarlang bawk.