Congress Campaign Office

Mizoram Assembly inthlanpui neih tura Congress Party in Campaign Office an buatsaih chu Inrinni zing khan Serchhip Block Congress Committee President, PC. Vanlalsawma chuan a hawng.

Congress Party Campaign Office hawnna inkhawm hi Block Congress Committee Vice President, R.Vanlaldula chuan kaihruaiin Serchhip Block Congress Committee President, PC. Vanlalsawma chuan Pathian in Congress party chu hmasawnna leh remna leh muanna thlentu turin mal a sawm tih a sawi a. Serchhip-ah pawh inthlan hmain Chawmkai Lei dawhna tur cheng nuai 500 chuang tihfel a nih thu leh Serchhip khaw chhunga hnathawhna tur NEDP sum cheng nuai 150 dahfel a nih thu sawiin, \halaite hma-sawnna atan Sport Complex siamin inkhelh mup mup a ni, a ti a, India ram Level a Doctor zirna seat chan harsa tak chu MIMER ah awlsam zawka chan theihin siam a nih tak thu a sawi bawk.

PC. Vanlalsawma chuan Zu khap bur chu a \ha em em a ni tih hi finfiahna a awm loh avang leh, khap hneh theih a nih bawk si loh avangin awmze neia control-a thlah zalen mai a nih thu a sawi bawk. Congress Campaign Office hi Ser-chhip Bazar-a R. Laldaihzauva building chung berah siam niin Upa C. Lalbiakthanga’n hunserh hmangin Pathian hnenah a hlan a, he hunah hian an Party hruaitu mi \hahnem tak an tel a ni.