DoNER Minister hovin Ser-chhip-ah BJP an campaign

BJP Serchhip District chuan Assembly in-thlanpui neih tur atana Campaign in nimin khan Serchhip Auditorium-ah Vantlang Inkhawm an buatsaih a. He hunah hian Union DoNER Minister, Jitendra Singh chuan hmanpuiin Serchhip-ah BJP MLA thlangtling turin mipuite chu a sawm bawk.

Serchhip Auditorium-a BJP Ser-chhip District Vantlang Inkhawm ah hian DoNER Minister, Jitendra Singh chuan Serchhip bial chu bial pawimawh tak a nih thu sawiin, kum tam tak Chief Minister bial a ni tawh chungin a chhungah hmasawnna erawh a awmlo hle thung tih a sawi a. Inkalpawhna kawngpui a chhiain damdawi In pawh a nih tur anga a nih loh thu a sawi a, sum tam tak kalral niin a sawi a. Tunah chuan BJP hun a thleng ve tawh tih sawiin, India ram State 15-ah BJP chuan Chief Minister an neih thu leh State dang pathum (3)-ah sawrkar in\awm an siam thu a sawi bawk.

DoNER Minister chuan India Prime Minister, Narendra Modi-a’n India hmarchhak a ngaih pawimawh thu sawiin, sawrkar hotu lian zawk te pawhin an tlawh fo thu a sawi a. Mizo-ram chu India ram State hrang hrang zinga ziak leh chhiar thiam tamna ber te zing ami a nih thu sawiin, chutihrual chuan \halai tam tak hna zawng tura State pawna an chhuah thu sawiin, BJP a sawrkar a nih chuan \halaite tan hna sing nga (50,000) an siam dawn thu a sawi a. Serchhip bial-ah BJP MLA thlantlin a nih chuan College chu University-a hlankai a nih tur thu te, Cold Storage \ha tak siam a nih dawn thu te pawh a sawi a. BJP chu sakhaw tihbik neilo a nih thu a sawi bawk.

Nimin-a DoNER Minister in Serchhip a tlawhna ah hian amah lo lawmna atan BJP chuan thilpek chi hrang hrang an lo hlan a, Serchhip bial-a BJP Candidate, Lalchunglura pawhin thu sawiin Minister hian thu a sawi zawh hnu hian Serchhip a chhuahsan leh nghal a ni.