Police leh YMA in enfiah

Serchhip District Magistrate in thupek alo chhuah tawh bawhzuiin nimin khan Serchhip-ah Halpuah leh halmawi chi hrang hrang bakah silai lem (a mu kapchhuak chi) dapchhuah hna thawh a ni.

Serchhip District Magistrate, Sangchhin Chinzah chuan tunhnai khan thupek chhuahin Halpuah leh Halmawi hian nasa takin mihring hriselna a tichhe theiin, boruak a tihchhiat leh tih bawlhhlawh mai bakah ri bengchheng a siam a, silai lem a mu nei chite hian mihring piansualna a thlen tak fo bakah \ul lova sum khawhralna a ni bawk tih a tarlang a. Chuvangin, Serchhip District mipuiten hriselna \ha tak kan lo neih theih nan leh sum leh pai tam tak kan khawhral loh nan Sec. 144 CrPC, 1973 in thuneihna a pek angin Serchhip District huamchhungah Krismas leh Kumthar vuakvetah Halpuah, halmawi leh puakthei thildang boruak \halo siam thei leh ri bengchheng siam thei chi reng reng lakluh, zawrh, hralh, hal leh hman khap a nih thu leh Naupang silai lem mu hmang chi reng reng zawrh leh hralh khap a ni tih a tarlang a ni.

He thupek tihchhuah bawhzui hian nimin tlai khan Serchhip Police te leh Serchhip Sub-Hqrs. YMA Kumpuan Committee chuan Ser-chhip Bazar-a dawr hrang hrang dapin heng thil khap zuar lui an awm leh awmloh an enfiah a, dan bawhchhia man erawh an neilo nia thu-dawn a ni.