Zu chungchang ah MPCC in Kohhran rawn zel tum

Mizoram Pradesh Congress Committee (MPCC) Media Department chuan, “Zu chungchanga nasa taka \awng\aitu Kohhrante hi Zu zawrh chungchang ah kan rawn zel dawn,” an ti.
Nimin a Aizawl Press Club-a thuthar thehdarhtute an kawmna ah Mizoram Pradesh Congress Committee Media Department chuan kum 17 zet MLTP Act hnuaiah Zu khap bur (Total Prohibition) a nih thu sawiin, heng hun chhung zawng hian Zu hi a hluar em em reng tho a, Zu chhia pawh a tamin zu chhe in avanga thi pawh an tam tih an sawi a. Congress Sawrkar chuan kum 2014 July 10 khan Zu khuahkhirhna dan thar, The Mizoram Liquor Prohibition and Control Bill, 2014 a pass thu leh hei hi kum 2015 March a\anga hman \an nih thu sawiin, “Thununna (Control) hnuaia Zu zawrh vanga titi a tamna chhan chu ‘Kohhran kan rawn dawn lo’ tih \awngkam hman a nih vang a ni a. Khatih hunlaia Excise Minister, Pu R.Lalzirliana chuan he \awngkam hi Tualbung khuaa a thusawina ah a sawia, hei hian rang takin ram pum a fan chhuak nghal a ni,” an ti a. “Kohhran mite rawn duhlo tu Excise Minister kan neih avang khan Congress party kha a chih a, Pu R. Lalzirliana thusawi khan Congress Party hruaitu leh mipuite rilru a tina em em a ni,” tiin “MPCC President, Lal Thanhawla pawhin ‘He dan hi Mizoram tana dan \halo a nih tak zet chuan Zu chungchanga nasa taka \awng\aitu Kohhrante hi Zu zawrh chungchangah kan rawn zel dawn tih kan puang a ni,’ a ti,” an ti bawk.

Popular posts from this blog

PAN CARD an tih teh fo hi - Laldinpuia