Larsap in Mizoram chu Ayurveda lama hmasawnna atan hmun pawimawh tak ala nih thuai a beisei thu a sawi

Mizoram Governor, Kumannam Rajasekharan chuan Ayurveda hmasawnna turin sawrkar laipuiin nasa taka hma a lak thu sawiin, Mizoram chu ramngaw, thing leh thlai hrang hrang \hahnem tak awmna hmun a nih avangin Ayurveda lama hmasawnna atan hmun pawimawh tak ala nih thuai a beisei thu a sawi.

North Eastern Institute of Ayurveda and Homoeopathy (NEIAH), Shillong leh Directorate of AYUSH, Government of Mizoram \angkawp buatsaih 'One Day Workshop on AYURVEDA FOR PUBLIC HEALTH' nimin a Lal Thanhawla Auditorium, Aizawl-a neih a hmanpuina Larsap chuan hetianga mipuite tan Ayurveda inhrilhriatna hun Mizoram-a buatsaih a ni chu lawmawm a tih thu a sawi a. Mizoram chu ramngaw, thing leh thlai hrang hrang \hahnem tak awmna hmun a nih avangin Ayurveda lama hmasawnna atan hmun pawimawh tak ala nih thuai a beisei thu sawiin, Sawrkar laipuiin Ayurveda hmasawnna tura hma lak a nih dan te a tarlang a. Kum thum liamta a\ang khan Dhanwantari Jayanti hi National Ayurveda Day-ah alo puan tawh thu a sawi bawk. Governor chuan AYUSH System hmang hian hriselna lama mithiam kan indaihlohna phuhruk kawngah te, damlo inenkawlna atana \angkai thlai (Medicinal Plants) chin intihhmuh a loneitute tan a eizawnna tling a nih theih dan te leh Ayurveda Panchakarma Therapy hmanga zin mi (Tourist) tam tak hip a nih theih dan te a tarlang bawk.

He hunah hian Prof. PK. Goswami, Director, NEIAH, Lalrinliana Fanai, Secretary, Dr. OP Gupta, Former Dean, SSUHS, Assam te pawhin thu sawiin Dr. S. Mara Thansiami, Dy. Director hnen a\angin Mizoram-a Ayush dinhmun tlangpui ngaihthlak a ni a. Chawhnu lamah Technical Session neiin Aizawl College hrang hrang zirlaite leh School naupangten an telpui a, AYUSH lama mithiam ten zirtirna na pe a ni.

Mizoram-ah hian AYUSH hi Health & Family Welfare Department hnuaiah kum 2001 khan din a ni a, Department of Ayurveda, Yoga and Naturopathy, Unani, Siddha and Homoeopathy (AYUSH) tiin kum 2003 khan thlak a ni a, tunah hian National Ayush Mission leh State Medicinal Plants Board te kalpui niin State sawrkar hnuaiah AYUSH Doctor 64 thawk mekin Regular Employee 10 leh contractual staff 54 an awm a, mi 58 te chu Homoeopathic discipline niin 6 te chu Ayurvedic discipline an ni. District Hospital tinah khum 10 awmna AYUSH Ward siam niin AYUSH OPD hi Community Health Centre (CHC) 9 leh Primary Health Centre (PHC) 3 ah siam a ni bawk a. State Drug Testing Labora-tory for Quality Control of ASU&H pawh kum 2006 khan din niin Scientific Officer 4 te enkawlna hnuaiah hna thawh mek a ni bawk.