NCP Candidate puang

National Congress Party (NCP) Mizoram Unit chuan Assembly inthlanpui lo awm turah Constituency 5 an chuh dawn tih sawiin, nimin khan an candidate turte hming an puang.

Aizawl Press Club-a chanchin thar thehdarhtute kawmin NCP Mizoram Unit President, Lalawmpuia Chhangte chuan Mamit leh Dampa bial-ah a ding kawp anga, Hachhek bialah C. Ramkinlova, Aizawl West I-ah Lalhruaia leh Aizawl East I-ah Lalrinpuii te an ding dawn tih a sawi a. Heng bial te bak hi chuh an tum loh thu te, inthlanah thawhpui an neih dawn loh thu leh ZPM a\anga an chhuah tawh thu a sawi a. ZPM chu recognized party a la nih loh avangin an candidate zawng zawngte chu Independent-a an din a ngai dawn a, inthlan result puan a nih hnuah Independent-a ding an nih miau avangin sawrkarna siam a \ul hunah harsatna siamtu ber an ni dawn a ni, a ti a. An party chuan inthlan vote thlak hunah symbol atan ‘Sana’ an hmang dawn tih a sawi bawk.