Kolasib-ah Hnam hnatlang neiin HC in PIL a pawm

Kohhran Hruaitu Committee ngenna avangin Kolasib-a All NGO Coordination Committee in Hnam hnatlang an neih chu nimin tlai khan tih-tawp lailawk rih a ni.
All NGO Coordination Committee, Kolasib chuan an District Election Officer, Dr. Arun T chhuah phutin nimin zing dar 6:00 atang khan 'Hnam hnatlang' an huaihawt a, he an hmalakna vang hian DC Office leh sawrkar Office dang te bakah zirna In te khar a ni a. Hetianga Hnam hnatlang neih chhan hi Electoral Roll-ah Bru 218 te DEO in a thun chungchang kalzel a ni a. Kolasib DC/DEO hi Kolasib chhuahsan tura an nawr bakah a lakah hian Gauhati High Court ah PIL an thehlut bawk.
Kolasib-a pawl panga te chuan November 12 khan Kolasib DC hnenah hriattirna pe in Kolasib District hi chhuahsan turin an lo ti tawh a, Mizoram Governor, Chief Secretary leh CEO-ah a copy an pe bawk a ni.
Nimin khan Aizawl leh Kolasib-a Mizo-ram Kohhran Hruaitu Committeee te chuan NGO Coordination Committeee te nen Meeting neiin an sawiho a, Inthlan loh mai a hlauhawm theih avangin an hmalakna chawlhsan rih turin All NGO Coordiantion Committeee chu an ngen a, hemi hnu hian All NGO Coordination Committeee chu \hukhawm ve lehin Kohhran hruaitute Committee ngenna angin nimin tlai dar 3:00 khan hun engemawchen atan Hnam hnatlang chu an titawp rih a, Hnam hnatlang tihtawp lailawk ruala hun hmanah hian Kolasib DEO, Arun T, IAS lim an hal nghal bawk.
Nimin vek khan Gauhati High Court, Aizawl Bench-ah Electoral Roll-a Tuikuk mi 218 thun chungchanga NGO ten PIL an thehluh chu hearing a nei nghal a, Court chuan Supplementary E. Roll publish tur chu stay order siamin Kolasib DEO pawh Thawh\anni lo awm tur hian insawifiah turin a ko niin Kolasib a\anga thu-dawnna chuan a sawi bawk.

Popular posts from this blog

PAN CARD an tih teh fo hi - Laldinpuia