Rualbanlote dikna humhalh chungchang inrawnkhawm

Nimin khan New Serchhip YMA Hall-ah rualbanlote dikna humhalh chungchang sawi-hona leh inrawnkhawmna neih a ni a, he hun hi Person with Disabilities (PwD) Commissioner, Dr. Lalnunthara chuan a hmanpui.

Rualbanlote dikna humhalh chungchang sawihona leh inrawn-khawmna hun hi Upa Vanlalchhunga chuan kaihruaiin he hun hmanpuitu PwD Commissioner, Dr. Lalnunthara chuan India sawrkar leh Mizoram sawrkar chuan rualbanlote ham\hatna atan theihtawp chhuaha hma an lak thu sawiin, Mizoram sawrkar pawhin The Mizoram Rights of Persons with Disabilities Rules-2017 chu a duan tawh thu a sawi a. He Dan hnuaiah hian rualbanlote tan ham\hatna tam tak siam a nih thu leh heng an ham\hatna te hi mipuite pawhin an hriat a pawimawh thu sawiin, heng ham\hatna te hmu tur erawh chuan rualbanlote pawhin tihtur hrang hrangte an neih ve thu a sawi a. Rual-banlote chu hmangaihna nena enkawl a \ul thu pawh sawiin, nu leh pa tam tak te chuan rualbanlo te chu hmangaihna nen ni lo, khawngaihna nen an enkawl \hin nia a hriat thu leh hei vang hian an nih tur ang pawh an ni phaklo fo nia a hriat thu a sawi a. Rualbanlo ten an dikna chanvo an chan ngei theih nan an Office chuan hma an lak zel dawn thu a sawi bawk.

Nimin-a he hun hmanna ah hian rual-banlote dikna leh chanvo dan in a pek te sawihona leh inhrilhfiahna neih niin zawhna leh chhanna hun hman a ni bawk a, Shalom Special School Serchhip a naupang ten an thiamthil chi hrang hrangte entirin he hunah hian Shalom Special School enkawltute leh he School-a kal chhungte an tel a ni.