MNF in CADC lo piang nawlh pawi an ti

MNF Election Campaign Directorate-a Chairman, R. Tlang-hmingthanga chuan MNF in Zalenna a sual a, a rammut hlan a Mizoram-ah Chakma Autonomous District Council a lo piang nawlh mai chu MNF chuan pawi a ti tak meuh tih a sawi.

Nimin a Aizawl Mizo Hnam Run-a thuthar thehdarhtute a kawmna ah R. Tlanghmingthanga chuan he thu hi sawiin Chakma Autonomous District Council chu \hiah emaw, tihtawp emaw mai chu a harsa tawh hle tih sawiin, Tlawmngai Pawl te’n MLA Candidate atan Chakma dahlo tura an ngenna chu awm an tih thu leh an pawmin an ngai pawimawh em em tih a sawi a. MLA bial \henkhat, Chakma tan lo chuan MLA chuh ve-in awmzia a nei lohna tur bialah chuan Party dangin Candidate atan Chakma an hman tlat avangin Pathian leh Mizoram tan a \ul zawk nia hria-in MNF pawhin an thunun theih tur Candidate atan an hman ve a lo ngai ta tih sawiin, Delhi Control MLA ai chuan Mizo Hnam Party thunun MLA neih chu Mizoram tan a \hat zawk dawn avang chauha Candidate dah ve an ni tih leh Party dangin dah lo se chuan MNF chuan an dah hauh lovang tih a sawi bawk. Hei bakah hian R. Tlanghmingthanga chuan, “Pathian, Mizote hnama min siamtu min siam chhan leh nise min tih ang ni tura beih leh zirtir hi kan tum ber chu a ni a. Chu tak chu Pathian leh Kan ram tan tih lo pianna pawh a ni,” a ti bawk.