Drivers Week hmang \an

Zoram Drivers’ Union (ZDU) huaihawtin nimin a\ang khan Mizoram pumah Drivers’ Week chu hman \an leh a ni a, Serchhip-ah pawh he Hapta hi nimin zing khan Serchhip Bazar-ah a hawnna neih a ni.

ZDU Sub-Hqrs. Serchhip huaihawta Drivers’ Week vawi 38-na hawnna Ser-chhip Bazar-a neih hi ZDU Sub-Hqrs. Serchhip President, S. Lalpianga chuan kaihruaiin Serchhip Addl. DC, Chuauhnuna chuan khuallian nia hmanpuiin he Hapta hi a hawng a. Addl. DC chuan ZDU ten hetianga fimkhur a \ul zia inzirtirna hun an hmang \hin chuan a \ha zawnga nghawng a nei nia a hriat thu sawiin, rah \ha tak a chhuah \hin nia a hriat thu a sawi a. Kan hma lawka hunpui lo thleng turah pawh lirthei-a chetsualna pumpelh turin he Hapta hman hian awmzia a neih ngei a beisei thu sawiin, lirthei khalhtute chu anmahni leh mipuite tana fim khur fo \hin turin a chah bawk.

Nimin a\anga Drivers’ Week hman hi tunkar Inrinni, Dec. 8 thleng awh tur niin he hapta hman chhung hian Week Flag chu zawrhchhuah a ni dawn a, he Week Flag zawrh a nih rual hian fimkhur tura inzirtirna thuziak te semin aurinna nen mipui zirtirna thu puanchhuah \hin a ni bawk ang.