MSLSA hotu ten Aizawl District Jail an tlawh

Mizoram State Legal Services Authority (MSLSA) Member Secretary, Vanlalenmawia chuan Zirtawpni khan Aizawl Armed Veng-a Aizawl District Jail chu tlawhin mi tang te dinhmun a enfiah.

Mizoram State Legal Services Authority hotute hi District Jail Superintendent, T. Ramzauva leh a thawhpuiten lo dawng-sawngin he hunah hian Mizoram State Legal Services Authority Member Secretary, Vanlal-enmawia chuan Jail-a tangte chuan mihring nunphung pangngai an nei leh thei tih sawiin, Jail a\anga an chhuah hnuah pawh an nunhlui kalsana nunphung pangngaia nun tum tawh turin a fuih a, khawtlang leh kohhran bel tlat tur leh midangte tan \angkai taka nun hmang turin a chah a ni.

MSLSA hotuten District Jail an tlawhna ah hian Legal Awareness Campaign neih nghal niin Advocte, Johny L. Tochhawng-in dan leh hrai lam thil an hriat tur a sawifiah a, Jail chu misual hremna hmun ni lovin, nun siam\hatna hmunpui a ni zawk tih hre turin a chah a. Jail tangte chu indawmkun mai lova, hun kal tawh a\anga insiam\hat tum tur leh an tih thil tihsualte ti nawn lo turin a chah a. Jail tang te chu an chungchang Court-in dik taka a rel theih nan Ukil an neih vek theih thu leh Ukil rawihna tur sum nei lo te pawh sawrkar-in Ukil a rawihsak thei tih a sawi. He hunah hian Mizoram State Legal Services Authority Co-ordinator, Mimi H. Rosiamliani pawhin Office kalphung leh hnathawh dan a sawifiah a, District Jail chhunga Legal Aid Clinic chu hmang \angkai turin a chah bawk.

Aizawl District Jail-ah hian tun dinhmun ah tang mi 71 an awm mek a, hengte hi mipa vek niin, an zinga mi 23 chu thiamloh chantir tawh an ni a, a bak mi 48 chu thubuai ngaihtuah lai an ni.