Lal Thanhawla’n campaign in Chawngte a tlawh

Assembly inthlanpui neih tura Campaign in nimin khan MPCC President, Lal Thanhawla chuan Chawngte tlawhin an Party mipuite hmaah thu a sawi.
Nimin a Chawngte a tlawhna ah hian MPCC President, Lal Thanhawla chuan Mizoram in remna leh muanna a neih theihna tura Chief Minister \hhutthleng leh sawrkarna hial pawh kian thei sawrkar a lo awm theihna chhan chu Congress party an vote tlin vang a nih thu a sawi a. India ram puma Hindu lalna ram din tum BJP in Mizoram-ah rawn inzarpharhin rawn inbengbel an tum dan sawiin, Khawthlang lamah Tuikuk ho leh Chhim lamah Chakma ho hmanga MLA neih an tum tih a sawi a. Chakma mipui te chu bungrua ang maiin lei an tum thu hrilhin, Politics hi kan khawsak dan leh kan nun thlenga min khawihtu a nih avangin ngaihtuahna fim tak hmangin hetianga zahlo taka anmahni bungrua ang mai a entu BJP chu hnawlin Congress party chu vote turin kalkhawm mipuite chu a sawm a. Mizoram-ah Congress sawrkar hun chhunga ram hmasawnna ruhrel pawimawh tak tak awm te pawh a sawi bawk.
Hei bakah hian Lal Thanhawla chuan chuan Autonomous District Council a\angin Congress in MLA 5 an nei dawn nia sawiin, chhimlam a\angin Lunglei District tiamin MLA a tlem berah MLA 11 Congress in a neih dawn avangin Hmar lampang a\anga MLA an lo thawhbelh tur nen Congress in sawrkarna a siam chian tur thu a sawi bawk.

Popular posts from this blog

PAN CARD an tih teh fo hi - Laldinpuia