Party mala sawrkar siam thei tur khawpin MNF in inthlanpui-ah hnehna an chang

Mizoram State Legislative Assembly inthlanpui-a Vote tla te chu nimin khan tluang taka chhiar zawh niin MNF Party chuan Party mal-a sawrkarna siam thei khawpin hnehna an chang a. Minister leh MLA nilai zingah he inthlanna a chak zo lova tla an awm nual thung.

Mizoram State Legislative Assembly 8-na din tura inthlanpui-a vote tla te hi nimin khan District khawpui tina vote chhiarna tura ruahman ah te tluang taka chhiar niin nimin chawhnu dar 1:30 vel khan result hi hriat kim theih a ni a. Eptu Party lian ber MNF chuan Party mal-a sawrkar siam thei turin hneh takin an tling a ni. Tun \um inthlanpuiah hian Assembly Seat 40-ah inthlanna hi neih niin MNF in Seat 26 an la a, ZPM in Seat 8 lain Congress in Seat 5 leh BJP in seat khat an la a, Zoramthar, NPP, NCP leh PRISM te chuan Seat lak an neilo thung.

MNF Party a\ang hian Aizawl East-I ah an President, Zoramthanga chu tlingin Tuichang bial-ah an Sr. Vice President, Tawnluia chu a tling a, an Vice President, Dr. R. Lalthangliana pawh South Tuipui bial-ah a tling a. Midang tling te hi Dampa-ah Lalrintluanga Sailo, Mamit-ah H. Lalzirliana, Kolasib-ah K. Lalrinliana, Serlui-ah Lalrinsanga Ralte, Tuivawl-ah Lalchhandama Ralte, Chalfilh-ah Lalrinliana Sailo, |awi-ah R. Lalzirliana, Aizawl North-III ah C. Lalmuanpuia, Aizawl East-II ah Robert Romawia Royte, Aizawl West-II ah Lalruatkima, Aizawl South-III ah F. Lalnunmawia, Lengteng-ah L. Thangmawia, Champhai North-ah Dr. ZR. Thiamsanga, Champhai South-ah TJ. Lalnuntluanga, East Tuipui-ah Ramthanmawia, Tuikum bial-ah Er. Lalrinawma, Hrangturzo bial-ah Lalchamliana, Lunglei North-ah Vanlal\anpuia, Lunglei East-ah Lawmawm Tochhawng, Lunglei West-ah C. Lalrinsanga, Lunglei South-ah K. Pachhunga, Lunglei East-ah H. Biakzauva leh Siaha bial-ah Dr. K. Beichhua te an ni. MNF a\ang hian Opposition Group Leader leh MNF party Treasurer Vanlalzawma chu a bial ngai Aizawl West-III ah a tling zo lo a. Opposition MLA nilai zingah MNF member K.Sang\huama chu a bial vawn mek Aizawl West-III ah a ting zo lo bawk.

ZPM chuan Assembly bial 8-ah hnehna changin an Chief Ministerial Candidate, Lal-duhoma chu a dinna bial pahnih, Serchhip leh Aizawl West-I ah te a tling ve ve a, Tuirial bial-ah Andrew H. Thangliana chu tlingin Aizawl North-I ah Vanlalhlana, Aizawl North-II ah Dr. Vanlal-thlana, Aizawl South-I ah C. Lalsawivunga, Aizawl South-II ah Lalchhuanthanga leh Aizawl West-III ah C. Zaithanzama te an tling a ni.

Rorellai Indian National Congress chuan (INC) Seat 5 chiah lain an President, Lal Than-hawla chu a dinna bial pahnih, Serchhip leh Champhai South bial-ah te a tle ve ve a. INC in hnehna an channa bial te hi Hachhek-ah Lalrindika Ralte, Thorang bial-ah Zodintluanga, West Tuipui bial-ah Nihar Kanti Chakma, Lawngtlai West-ah C. Ngunlianchunga leh Palak bial-ah KT. Rokhaw te an ni.

INC a\ang hian Minister leh MLA nilai tling zolo \hahnem tak an awm a, an zingah hian Fisheries Minister nilai Vanlalawmpuii Chawngthu, Health Minister, Lal Thanzara, Transport Minister John Rotluangliana, Finance Minister Lalsawta, Horticulture Minister PC. Lalthanliana, Agriculture Minister, KS. Thanga leh Education Minister H.Rohluna bakah Art & Culture Minister, R. Romawia te an tel a. Congress MLA dang- Lalrobiaka, Dr. H. Ngurdingliana, Lt. Col. (Rtd) ZS. Zuala, TT. Zothansanga, T. Sangkunga, Law Commission Chairman, John Siamkunga, Mizoram Youth Commission Chairman, Joseph Lalhimpuia, Chalrosanga leh H. Zothangliana te pawh tling zolo zingah hian an tel bawk.

BJP pawhin Mizoram-ah MLA an nei ve ta a, Tuichawng bial-ah Dr. BD. Chakma chu thlantlin a ni bawk.