Candidate te sum hman dan enfiahna neih a ni

Assembly inthlanpui neih tura Candidate te sum hman dan endikna hmasa ber chu nimin khan Serchhip-a I&PR Conference Hall-ah Expenditure Observer, Divakar Chakravarty hovin neih a ni.

Election Commission of India in Expenditure Monitoring dan a ruahman angin inthlanna atana Campaign neih chhung hian candidate tinte senso, an Expenditure Agent te Register leh Assistant Expenditure Observer leh Accounting Team ten Shadow Expenditure Register an lo buatsaih chu a inmil leh inmil loh endikna hna hi \um thum (3) neih tur a ni a. Candidate te Expenditure Agent ten an senso an chhinchhiahna leh Accounting Team ten an senso an chhin-chhiahna te chu a inmil tih endikna hna hi thawh a ni a, Candidate tin Expenditure Agent te an inlan a, nimin a Expenditure endikna (inspection) ah hian thil fel lo engmah a awm lo nia hriat a ni.

Tarlan tawh \hin angin Assembly in-thlanpui neih tura chuh tum te tan hian Campaign-na atan cheng nuai 20 thleng hman theih a ni a, heng Candidate te hian Nomination Paper an thehluh rualin Bank Account hawng nghalin he Bank Account kaltlang hian an sum hman dan te enfiah a nih bakah an sum hman dan felfai taka an ziahna turin Account bu pathum pekan ni bawk a. Nimin a he sum hman dan enfiahna ah hian heng Acount bu te hi enfiah niin inthlanpui neih zawh hnuah tu pawh tling se campaign-na atana a senso hi cheng nuai 20 aia tam a ni tih finfiah theih a nih chuan thlantlin a nihna pawh hi paih sak leh theih a ni dawn a ni.