NTUM General Assembly neih a ni

National Trade Union of Mizoram (NTUM) chuan nimin khan Aizawl Vanapa Hall-ah General Assembly an hmang.
NTUM General Assembly hi an pawl Vice President Zoremtluanga chuan kaihruaiin an pawl President, C. Remtluanga chuan, Muster Roll-a thawkten an dikna chanvo humhalh tura \an ho a ngaih thu a sawi a, MR-a thawk an nih avanga insit tur an nih loh thu leh duhdah taka chhawr tur an ni bik lo tih inhre turin thurawn a pe a ni. C. Remtluanga chuan, MR-a thawk \henkhat zak an awm \hin chu pawi a tih thu sawiin, mahni nihna zahpuite chu pawl tan \hanmawhbawk niin a sawi a, sawrkar hnuaia ham\hatna awm thei te an duh ve leh tho avangin hetiang rilru pu te chu sim turin a fuih bawk.
NTUM President chuan MR \henkhat mahni hnathawh tur dik hlel deuha thawk an awm niin a sawi a, hetianga mahni nihna pawh hre chiang lo an awm chu \ha lo a tih thu sawiin, thla tin hlawh an lak avanga lungawi mai lo tur leh an nihna a dik taka Department pawhin a vawn theih nan a diklo lai a awm em tih inenchiang ngam leh MR-te zahawmna siam turin anmahni \heuh an pawimawh tih inhre thar turin a chah bawk.
NTUM General Assembly-ah hian chawhnu lamah ro an rel a, an thurel zingah Mizoram-ah Labour Court-a awm theih nan chak zawka hmalak an remti a, an pawl dan ennawn an remti bawk.

Comments

Popular posts from this blog

PAN CARD an tih teh fo hi - Laldinpuia