HIV/AIDS A HLAUHAWM LOH !

HIV/AIDS A HLAUHAWM LOH !

- Papuia

1st December hi khawvel puma HIV/ AIDS natna puala ni bik ‘World AIDS Day’ a tana hman \hin niin, kumin ah pawh hman a ni a, khawvel hmun hrang hrang rualin Mizoram-ah pawh hman a ni a, Aizawl-ah pawh MSACS leh mi \hahnem ngai te ruahmanna in Millenium Centre Roof Top-ah Free Concert te neiin 'Know Your Status' tih thupui hmangin Awareness neih a ni a, HIV Testing drive te neih a ni a, TV leh Social Media kaltlang in kan lo hmu ve a, Mizoram District hrang hrang tehna ah pawh a sang pawl nisi, mipui vantlang tana \angkai tura inzirtirna emaw atan Serchhip-ah hman a nilo niin ka hria a, inthlanpui kan neih in min tibuai deuh nge? Kum dangah chuan hman \hin niin ka hria. |hahnem ngaih thil ah ka lo ui ve viau, Mizote hi ni bik nei ngai pawimawh chi kan ni bawk nen.

HIV/AIDS chungchang sawihona ka lo en ve a\angin, HIV hi natna dang ai a hlauhawm bik a ni lo tih hi ka rilru ah a lian hle, a hlauhawm zia hlir kan hria a, hei vang hian a vei te pawh in mi ngaihdan tur an thlirin an inpuang ngamlo a, khawtlang ah a ruk in nasa takin a darh a, he lam kawnga thawktu te chuan a manganthlak an ti hial tawh mai thei a ni. A vei te hi hre mahse an chhungte tak ngial pawh an phalna lo chuan dan in hrilh a phal silo. Hei vang hian High Risk Group kan tih inchiu \hin te, Sex lama buan chaklo deuh te chu tihkhai an ni deuh ta ringawt a nih hi.

HIV hi tihdam theih loh a nih avanga hlauhawm a ni tih hi kan hre zing ta hle, a hlauhawm loh na hi kan sawi tam a \ul tawh hle in ka hria, tihdam theih loh a nih leh a tihdamna an la hmuchhuak lo hi a hlauhawmna nilo in a PAWI tih hi ni tawh zawk se. In kaichhawn theih natna Hritlang leh natna dang nen hian en dan thuhmun in en tawh ila, kan hritlang khuhhnawk mi zing a kan zak deuh ang lek a zahthlak hian a kai leh vei te leh mipui hian ngai tawh se, vantlang hma ah hreh hauh lovin an inpuang ngam anga, mipui vantlang in khaw dang Sial en a kan en tawh loh a, kan inhriat tlan dial dial chuan inven dan tawk pawh kan thiam ngei ang.

Tin, tun ang dinhmun, Sawrkar, Kohhran leh NGO te hmalakna avanga kan hriat tam tawh zia te,Awareness nuai tam tak senga an neih tawh hnu a Isua hunlai a Phar natna kai ten endawng, hmusit leh \ihkhai an hlawh lai ang mai a, Mizo Kristian inti ten HIV Positive-te kan la ngaih laia a nihna inpuang ngam, kan Mizo nula huaisen Cz-i’n ART (Anti Retroviral Therapy/Treatment) a lak avanga a enna khawl pawh in a natna hrik a hmu thei tawh mang lo tih te, damdawi ei \hat chuan inkaichhawn na chance pawh a tlem ve thei tih a sawi te, positive te hian ART an lak \hat chuan Positive ni ve lo, mi tam tak te aiin khawtlang leh ram tan hna \ha an thawk nasa thei hle a, engkim an thawk ve thei a ni tih hi a chiang a, Sawrkar in a thlawna a sem mek ART hi a tihdamna nilo mahse, a rintlak a, taksa leh thlarau chhandamna tur hun tha a pe thei a ni tih hi a chiang hle a ni.

HIV Positive lo ni tawh kan chhungte leh \hian te, nun beidawnga awm mek tam tak te beidawnna sal a\anga hruaichhuak tur hian HIV/AIDS hi a hlauhawm loh a, vei erawh a pawi tih hi nasa zawkin i inzirtir tam tawh zawk ang u. Vantlang in kan thlir dan diklo avang hian a rukin HIV hi kan khawtlang ah a darh mek a, chuvang chuan kan mimal dinhmun hi kan hriatchian a hun takzet ta, eng dinhmun ah pawh ding i la, in enkawlna \ha kan dawn theih nan leh hmalak dan tur kan hriat theih nan, kan thisen test in kan dinhmun i hre chiang ang u, 'Know your Status'. HIV/AIDS hi a hlauhawm loh e.