BLO te tan Serchhip-ah training neih a ni

Electoral Roll Special Summary Revision neih tur atan nimin khan Serchhip District chhunga Booth Level Officer te tan training chu Serchhip-ah neih a ni.

Serchhip District chhunga BLO te tana training hi Serchhip DC’s Conference Hall No. I ah neih niin he hun hi Election Officer, Lalvenhima chuan kaihruaiin zirtirna a pe a. He hunah hian Election Officer chuan Assembly inthlanpui tluang taka kan nei zo thei ta chu lawmawm a tih thu sawiin, inthlanna hlawhtling tak kan neih theihna tura BLO ten an bial-ah \heuh Electoral Roll rintlak leh hmantlak a awm theihna tura hma an lo lakna chu lawmawm a tih thu a sawi a. Assembly inthlanpui neih chhunga BLO ten Election Duty te \ha taka an lo thawhpui pawh lawmawm a tih thu sawiin, hun lo kal zel turah pawh thawhhona \ha tak an neih zel a beisei thu a sawi a. Assembly inthlanpui neih zawh takah Serchhip District chhung Assembly bial hrang hranga Polling Station tinah Vote a tla \ha thawkhat hle tih pawh sawiin, hemi atana BLO te hma lo lakna chu lawmawm a tih thu leh tun aia hmasawnna sang zawk a awm theihna tura \an lak zui zel erawh ala \ul thu a sawi bawk. Nimin a training-ah hian Serchhip District chhunga BLO 77 awm te an tel \ha hle a, Assembly inthlanpui neih zawh tak thlirletna neih a nih bakah Electoral Roll Special Summary Revision neih tur atana hriattur pawimawh hrang hrangte leh inthlan kaihhnawih atana an hriattur pawimawh hrang hrangte zirho a ni bawk.