Mizoram CEO, SB. Shashank-a Delhi-ah chhuakin ECI Team in naktuk-ah Mizoram tlawh leh dawn

NGO Co-Ordination Committee-in Mizoram chhuahsan tura an phut Mizoram Chief Electoral Officer (CEO), SB. Shashank-a chuan nimin khan Lengpui Airport a\angin Mizoram a chhuahsan.
Mizoram a chhuahsan hmaa amah kawmtu chanchinthar thehdarhtute zawhna chhangin SB. Shashank chuan Election Commission of India (ECI) thuneihna hnuaia awm a nih avangin ECI-in kal se an tihna hmun hmuna kal mai tur a nih thu a sawi a. Tunhnaia Mizoram-a a thil tih chungchangah sawrkar hnathawk a nih anga a tih tur ti mai a nih thu leh tidik lova a inngaih loh thu a sawi. ECI-in 2014 kum-a MP thlan dawnah ‘Mizoram pawnah tumah vote thlaktir an ni lo ang’ tia ziaka thu a dah chu ECI-in a theihnghilh ta em ni?’ ti-a chanchinthar thehdarhtute zawhna chhangin SB. Shashank chuan, ‘ECI chu a thu lo tiam tawhah a ding ang,’ a ti a. Bru-te chu tuna an awmna Camp-ah vote thlaktir tumna a awm nia sawi chu rin thu mai a nih thu sawiin, hemi chungchangah hian thutlukna siam a la ni lo, a ti bawk.
Hetihlai hian Election Commission chuan Tripura Camp-a awm Tuikuk te vote thlak tir dan tur chungchanga NGO Coordination Committee kaihhruaina hnuaia Mizo mipuite thilphut chu a tlangpuiin a pawm a, a hmuna thil awmdan sawipui turin thuneihna sang zawk nei High Level Team chu naktuk khian Mizoram-a tirh a rel a. Election Commission chuan Mizo mipuiten inthlanna muanawm tak buatsaih kawnga kalphung ropui tak an lo neih tawh chu fakawm a tih thu sawiin, hmanhmawh taka hmalak \ulna a nih avangin Mizoram dinhmun chu Commission Meeting pui ber nimin a neih ah an ngaihtuah nghal tih sawiin, Mizorama tlawmngai pawl intel-khawm te thilphut chu a tlangpuiin an pawm tih an sawi a, thil awmdan a hmuna enfiah tur leh a \ul apiang sawiho turin naktuk Zirtawpni khian thuneihna sang zawk nei Election Commission of India team tirh an nih tur thu a sawi a. Election Commission Team hi Deputy Election Commissioner, Judeep Jain a’n a kaihruai ang a, Team member zingah Jharkhan CEO nilai, Lalbiaktluanga Khiangte, ECI Secretary, SB. Joshi leh Mizoram Addl CEO, Lalzarmawii te an tel ang.

Popular posts from this blog

PAN CARD an tih teh fo hi - Laldinpuia