Diklo taka sum dawng ah puh

MPCC Media Department Chairman, Lallianchhunga chuan Sawrkar laipui Human Resource Development Ministry hnuaia Sakhaw tenau behchhana zirna In ten \anpuina an dawn theihna, Infrastructure Development for Minority Institute hmangin Aizawl FC Football Academy-in diklo takin sum an dawng niin a sawi.
Inrinni-a Aizawl Press Club-a chanchinbumite a kawmna ah Lallianchhunga chuan hemi chungchang an chhui chianna tarlangin, Mizorama Minority School anga tarlan 57 chuan 1st Installment an dawng tawh nia sawiin, 2nd Installment chu an hnathawh dan tarlanna kimchang thehluh a ngaih avangin hren sak an ni tih a sawi a. Minority School Grant hi hmuh a nih theih nan Home department hmalaknain NECS chu Project siam tir an ni a, Central sawrkar-in 2nd Instalment a pekchhuah duh loh nachhan nia tarlan chu Mizoram sawr-kar-a Home Department-in pawisa hman dan kimchang tarlanna a thehluh loh vang nia sawi a nih thu a sawi.
MPCC Media Department Chairman chuan, he \anpuina dawngtu zing ami Aizawl FC Academy chu cheng nuai 17.71 dawng tura tih niin, kum 2015 khan 1st Instalment cheng nuai 6.64 an dawng a, hei hi Dawrpui Veng chhungah hmuh tur a awm lo nia sawiin, School Education Department pawhin Aizawl FC Academy hi an Department record-ah an hmu zo lo hrim hrim a, school tin tana UDISE Code an pek zingah pawh a tel lo niin a sawi. 
Lallianchhunga chuan, Home Department-in hetiang hi an kalpui a ni tih School Education Department-in a hriat chuan thui tak kalpui a lo ni tawh niin a sawi a. Hetianga Kristian Sakhaw hming hmanga diklo taka pawisa hailuh hi Kristian tan tih loh tawp tur nia an hriat thu leh sum hi an hailut duh a nih pawhin dik taka ti tura an phut thu leh hetiang thil titute hi a tawp thlenga umzui an tum thu MPCC Media Department Chairman chuan a sawi a ni.

Popular posts from this blog

PAN CARD an tih teh fo hi - Laldinpuia