Mercy Hospital kum 1 tlin lawmna neih a ni

Mercy Hospital (Rural Diagnostic & Research Centre), Serchhip chuan nimin khan an kum khat tlin lawmna an nei.
Serchhip-a Private dam-dawi In hmasa ber kum khat tlin lawmna hi District Panchayat Resource Centre Auditorium-ah neih niin he hunah hian PC. Lalnunpuia, Managing Director chuan report a pe a, he huna an tarlan danin nikum Nov. 27-a he damdawi In in hna a thawh a\angin OPD-ah damlo 4752 an inentir tawh a, damlo 514 te admit niin nau-piang 8 an awm tawh a. Damlo zai ngai Major ah 83 leh Minor-ah 69 te zai niin mi 5 an thi tawh bawk a, East Lungdar leh Sailulak-ah te a thlawna inentirna an buatsaih tawh bawk a. He damdawi In-ah hian thawktu mi 32 an awm mek bawk a ni.
He hunah hian Dr. Lalrinchhana Pachuau, Medical Superintendent chuan thu sawiin am damdawi In chu kumin January 30-ah a hawnna nei mah se nikum Nov. 27 a\ang khan hna an lo thawh \an tawh thu a sawi a. He damdawi In hi Serchhip khawtlang tana din a nih thu sawiin, mipuite duhthusam ang zawng zawng erawh an la phakloh rualin, hma erawh an sawn ve zel nia an hriat thu a sawi a. Mipuite pawhin dam-dawi In an hawn chu sawisel ringawt lovin an phur lehzualna tura thurawn te pe zawk tura an duh thu sawiin, mipuite tan a \ha thei ang bera hnathawh zel an tum thu a sawi a, he damdawi In hian Serchhip \halai mi 30 chuangte tan hna a siam sak tih a sawi bawk.
Nimin a he damdawi In kum khat tlin lawmna hunah hian Rev. R. Lalnunzira chuan hunserh hmangin Pathian hnena inhlanna hun hman a ni a, damdawi In bul\antute hnen a\angin thu-sawi ngaihthlak a nih bakah kum khat chhunga an damdawi In-a thawktu zinga hna thawk \ha ber lawmman semna neiin ‘Employee of the Year’ lawmman hi Siamtluangi Tlau (Cashier) hnenah hlan a ni.

Popular posts from this blog

PAN CARD an tih teh fo hi - Laldinpuia