PwD Commissioner in Mamit tlawh

Persons with Disability (PWD) Commissioner, Dr. Lalnunthara chuan nimin khan Mamit tlawhin Mamit DIPRO Office Chamber-ah Chan-chinbu mite a kawm.
Nimin a Chanchinbu mite a kawmna hunah hian Dr. Lalnunthara chuan pianphunga rualbanlote tan sawrkar laipui leh State sawrkar hnuaiah ruahmanna \ha tak tak siam a ni tih sawiin, Mizo te'n rualbanlo kan tih hian \anpuina dawng tur ngawr ngawr emaw lam ni lovin tih theih an nei ve em tih emaw, an tih theih dapchhuah sak te chu a pawimawh thu a sawi a. Zirna In, Office building sak thar mekah te rual-banlote tana inthiarna awlsam siamsak an ni em tih leh Office an dawr ve theihna tura pan awlsam tura ruahmanna siamsak an ni em tihte chu enfiah turin chanchinbu mite chu a chah bawk.
PwD Commissioner hian rualbanlote tana sawrkar hmalakna leh humhalhna dan tar-langin, The Rights of Persons with Disabilities Act 2016 hman anih a\angin rualbanlo tehna chi hrang hrang 7 ni \hin chu 19 ah tihpun a nih thu a sawi a. Kum 2011 census hnuhnung bera alan danin Mizoram-ah rualbanlo mi 15,160 an awm mek thu a sawi bawk.
Sawrkarin rualbanlo tan bika ruahmanna hrang hrang a siam a tarlan zingah hian Rual-banlo sawrkar Department hnuaia thawk ten harsatna/lungawilohna an neih an thlenna turin Grievance Redressal Officer ruat a ni a, zirna sang zir turin 5% hauhsak an nih thu leh kum lamah kum 5 thleng ngaihhnathiam an nih tur thu te, Zirna In-ah enhran an nih lohna tur leh infiamna lamah pawh an tih theih ang ang ngaihtuah pui an nih tur thu te, Agriculture ram leh In hmun \hehna kawngah 5% hauhsak an nih thute, Development programme hrang hrang retheihna umbona kawngah 5% hauhsak an nih thute leh kawng hrang hrangah dan hnuaia an chanvo neihte a tarlang bawk.

Popular posts from this blog

PAN CARD an tih teh fo hi - Laldinpuia