Zoram Decentralisation Front (ZDF) ten MNF te nena an thawhhona an sawifiah

Zoram Decentralisation Front (ZDF) hruaitute chuan nimin khan Serchhip-a thuthar thehdarhtute kawmin MNF te nen an thawhhona chungchang an sawifiah.
Serchhip Bazar Jamela Hotel-a thuthar thehdarhtute an kawmna hunah hian ZDF President, Lawmthanga chuan Mizoram sawrkar rorel kalphung (system) chu District Council hunlai a\ang tawh khan sawrkarna siamtu party te han inthlak \hin mahse, a mihring chauh an inthlak a ni mai a, an rorel dan kalphung erawh chu tun thleng hian a la pangngai pat reng tih a sawi a. Hetiang rorel dan kalphung \hat lohna chu Mi tlemte thuneihna leh hausakna, mi tam zawkte retheihna siamtu a ni tih sawiin, chuvangin, hetiang rorel dan kalphung him lo leh tha lo tak hi hmang chhunzawm tawh lovin, India danpui siam\hat vawi 73-na tlawhchhana ‘National Commission to review the Working of the Constitution’-in Mizoram tan kum 2001 a min rawt sak- “State rorelna hnuaiah rorelna chawng 2 District leh Village-ah awm rawh se” a tih chu kan ram rorel dan (system) thar atan a taka hmang tura beihpui thlak turin ZDF (Zoram Decentralisation Front) hi din a ni tih a sawi.
ZDF hruaitute chuan Decentralisation of Power chu Political Party te an sawipui kual hnuah a thuphung chuan \ha ti mah se a taka kalpui tura intiam thei an awmloh laiin MNF Party chuan an SEDP-ah telhin Manifesto-ah te pawh an telh a, hetiang a nih avang hian indawrna te neiin thawhhona mthuthlung an siam thu leh an Candidate te an tlin theihna tura hma an lak thu an sawi a. Hemi avang hian MNF nen an inzawm tihna erawh a nilo tih an sawi a, MNF chu lo sawrkar pawh nise he an thilduh hi an kalpui lo a nih chuan hmalak zui zel an tum thu an sawi bawk.
He hunah hian ZDF Fin. Secretary, Rev. B. Vanlalduha chuan tunhnaiah Synod in pawl pakhat pawm bik a nei anga sawi awm \hin chungchangah Synod Moderator chu an biak thu leh Synod in Party side bik a neih ngai loh thu alo hrilh tih a sawi a. Thuthar thehdarhtu ten hetianga thusawi awm \hin anga sawi hi an sawina hmun leh hun sawi theih an neih leh neihloh an zawhna erawh chiang taka sawi theih an neih loh thu leh hmun hrang hrang a\anga Phone Call te erawh an dawn thu an sawi thung.
Nimina Zoram Decentralisation Front (ZDF) hruaitu ten Serchhip-a thuthar thehdarhtute an kawmna hunah hian ZDF hruaitute hi MNF Serchhip East Block Vice President, C. Vanlal-siamthara leh hruaitu dang an an \awiawm a ni.

Popular posts from this blog

PAN CARD an tih teh fo hi - Laldinpuia