Mizoram NGO ten Prime Minister an kawm

NGO Coordination Committee chuan nimin khan Mizoram-a rawn kal, Prime Minister Narendra Modi chu Aijal Club-ah hmu-in Bru harsatna chingfel thuai turin an ngen.

NGO Coordination Committee hruaitute hian PM hnenah hian Memorandum an thehluh bakah an duh zawngte \awngka-in an thlen bawk a. Bru-te’n Mizoram a\anga Tripura an pem thlak a\anga kum 21 a liam tawh thu sawiin, Tripura Relief Camp a awmte ai a tam daih Mizoram-ah Bru hnam an awm a. Chu’ngte chu Mizo mipuite nen harsatna awm hauh lovin lungrual leh inrem takin an khawsa ho a ni, an ti a. Vawi tam tak Mizorama kir tura ruahmanna siam a, Inremna hial ziah pui an nih tawh hnu a lo la kir duh chuang lo leh sawrkar ngaihsak an duh vang mai ni a an hriat thu an sawi chuan Prime Minister pawhin a pawmpui hle an hriat thu an hruaitute chuan an sawi a. Mizoram a\anga sawnchhuah tak Lalnunmawia Chuaungo chungchang pawh lo thlengin PM chuan inthlan zawhfel veleh Mizoram-a a rawn kir tur thu a sawi bawk.