Dec. 7-ah ngaihtuah leh dawn

Lal Hriatrenga Chhangte (Hriata Chhangte) in False Affidavit thehlut-a Chief Minister, Lal Thanhawla a puhna thubuai chu nimin khan Ser-chhip District Court-ah ngaihtuah leh niin Dec. 7-a ngaihtuah leh tura dah a ni.
Serchhip bialtu MLA, Lal Thanhawla’n kum 2013-a Serchhip Constituency a MLA a chuh dawna Election Affidavit a thehluh a a thil neih a zep-a Lal Hriat-renga Chhangte in a puhna thubuai Serchhip District Court-a ngaihtuah kal mekah hian nimin Oct. 25, 2018 kha he thubuai thehluttu lam ten Lal Thanhawla leh a Ukil te thu an zawhfiah (Direct/Cross examine) ve hun tura ruat a ni a. Amah-erawh chu Court-ah hian Lal Thanhawla hi inlan lovin a aiawhin a Ukil a inlan a, a Ukil te chuan tunah hian Inthlanpui neih hun tur puan a nih tawh avang leh thubuai thehluttu Ukil (C. Lal-ramzauva) leh Lal Thanhawla te chu Assembly bial pakhat-ah Candidate tura puan an nih tawh ve ve avangin he thubuai hi inthlanpui zawh lama ngaihtuah chhunzawm tura dilna an thehlut a. Hriata Chhangte Ukil te erawh chuan C. Lalramzauva tello pawha he thubuai hi ngaihtuah mai an rawt laiin Dan hrang hrangte thlirin inthlan Vote thlak zawhfel leh Vote chhiar hma, December 7, 2018-a ngaihtuah leh turin Court chuan a rel ta a ni.

Popular posts from this blog

PAN CARD an tih teh fo hi - Laldinpuia