Vantlang rawngbawlna kawngah Mizoram-a Kohhran ten hna an thawk tha hle - Larsap

Mizoram Larsap, Kummanam Rajasekharan chuan vantlang rawngbawlna kawngah Mizoram-a Kohhran ten hna an thawk \ha hle tih a sawi.
Nimin a Durtlang-a Hnuchham te enkawlna hmun 'Hmangaihna In', Synod Hospital leh Nursing School te a tlawhna ah he thu hi sawiin Larsap chuan mahni lam inngaihtuah hmasa lova mirethei, fahrah leh mi harsa te enkawl hnathawhna hmun apiang te chu Pathian awmna hmun thianghlim a ni, a ti a. Mizoram-ah Health Care hnuaia hmalakna ten hmun kilkhawr ber ber a thlen phak vek theih nana hmalakna te chu thil hmanhmawh thlak tak a ni, a ti a. Synod Hospital in kum 90 chuang tihdam rawngbawlna a kalpui thei chu chhuanawm a tih thu sawiin, an hmalakna te pawh a thlawp tlat a ni tih a sawi a. Damlo enkawl dam tawhte zingah inenkawl man pe theilo tam tak ngaihdam an ni chu thil ropui tak a nih thu pawh sawiin, Mi hausa leh rethei thliar hrang lovin a mamawhtu leh a pantu, damlo te tan tihdam hna nasa leh zuala kalpui turin Synod Hospital a thawk zawng zawngte chu a chah bawk.
Larsap hian 'Hmangaihna In' chu tlawh hmasa berin thawktu ten lo dawngsawngin Hmangaihna In hi kum 1984 khan din a ni a, tunah hian naupang 15 enkawl mekin Home Mother 12 leh Staff 8 an awm mek a ni. Hemi hnu hian Larsap chuan Synod Hospital chhunga Ward hrang hrang te fangkualin damlote enkawl dan a en a, Nursing School, Laboratory leh Hospital Room pawimawh te pawh tlawhin, thawktute nen inkawmna an nei a. Kum 1928 khan Dr. John Williams chuan Welsh Mission Hospital (WMH) leh Nursing School chu a lo \an a. Kum 1958 kum khan WMH inrelbawlna chu Mizoram Presbyterian Church Synod hnenah hlan niin kum 1994 kum khan Presbyterian Hospital tia hming vuah niin kum 2012 kum a\ang khan Synod Hospital tia hming thlak a ni a. Tun dinhmunah Doctor 39, Staff Nurse 2017, Para Medical Staff 32 leh General staff 224 niin a thawktu zawng zawng hi mi 501 an ni.
Kumin chhungah April thla thlenga Synod Hospital-a mi harsa zawk Bill pe theilo te avanga Hospital account a pawisa dawn tur lut thei ta lo zat chu Rs 337,88,317/- a nih thu he hunah hian thawktute chuan sawiin, hei bakah hian cheng nuai 50 vel kumtin an thehchhuah \hin thu an sawi bawk.

Popular posts from this blog

PAN CARD an tih teh fo hi - Laldinpuia